The Chennai Head Lines:Tamil Novels Review

ஊதா நிற தேவதை

2010-10-06T14:15:00.005+05:30

தோழி வீட்டுக்கு செல்வதாக கூறிச் சென்ற பவித்ரா காணாமல்போன வழக்கை விசாரிக்கிறார் க்ரைம் பிரான்ச்ஆபிசர் அபிலாஷ். பழவந்தாங்கல் ஏரியில் துண்டிக்கப்பட்ட நிலையில் ஆண் மற்றும் ஒரு பெண்ணின் தலை கிடைக்கிறது. பெண் தலை பவித்ராவின் தலை எனபது போஸ்ட் மார்டம் ரிப்போர்ட் மூலம் கண்டறியப்படுகிறது.
ஹோட்டல் செவென் - ஸி- இன்டர் நேஷனலில் தங்கியிருக்கும் பிலிப்ஸ் ஹோட்டல் ரிஷப்னிஸ்ட் ஹரிணியின் வீட்டுக்கு சென்று தனக்கு இணங்குமாறு கேட்கிறான். தற்செயலாக ஹரிணி வீடு பிரிட்ஜில் வைக்கபட்டிருந்த துண்டிக்கப்பட்ட நிலையில் உள்ள மனித கையை பார்த்து அலறுகிறான். ஹரிணி தனக்கு நர மாமிசம் மிகவும் பிடிக்கும் எனக் கூறி பின் அவனையும் மயக்க ஊசி மூலம் கொன்று மாமிசத்தை பதப்படுத்துகிறாள்.
பவித்ரா காணாமல் போன வழக்கில் ஹரிணியை விசாரிக்க வரும் அபிலாஷின் சட்டையில் அவள் காலில் கண்ணாடி துண்டு குத்தியதால் சிந்திய ரத்த துளிகள் படுகிறது. அபிலஷின் தாய் அச்சட்டையை துவைக்கும் போது அது நீல நிறமாக மாறி இருப்பதையும் அதன் அருகில் சில ஈக்கள் இறந்து கிடப்பதையும் கூறுகிறாள்.
இறுதியில் ஹரிணி தான் அனைத்து கொலைகளுக்கும் காரணம் என்பதையும் அவள் நர மாமிசம் சாப்பிடக் கூடியவள் என்பதும் கண்டறியப்படுகிறது.

மனசுக்குள் நெருப்பு

2009-01-11T19:09:00.005+05:30

இன்ஸ்பெக்டர் பிரபு தனது ஒரே தங்கை ஷகிலாவை எம்.ஏ. முடித்தும் ஐ.பி.எஸ். படிக்க வைக்க நினைத்தான். ஆனால் ஷகிலாவோ தான் காதலிக்கும் பாலனை திருமணம் செய்ய நினைத்தாள். பிரபு தன்னிடம் காதலை கூற வந்த மைதிலியை அவமானப் படுத்தி அனுப்பியதைக் கண்ட ஷகிலா அதிர்கிறாள்.

நகரில் புதிதாக திருமணமாகும் மணமகன்கள் அனைவரும் அடுத்தடுத்து கொல்லப் படுகின்றனர். கொலை காரனைப் பற்றி எந்த துப்பும் கிடைக்கவில்லை. ஒரு முக்கியமான வி.ஐ.பி யின் மகனின் திருமண வரவேற்புக்கு பிரபுவை மணமகனின் பாதுகாப்பிற்கு அனுப்புகிறார் டி.ஜி.பி. தினகரன். அப்படியும் மணமகன் கொல்லப்படுகிறான்.

இதனால் பிரபு சஸ்பென்ட் செய்யப்படிகிறான். ஷகிலா-பலன் இருவரும் பதிவுத் திருமணம் செய்து கொண்டு பிரபுவிடம் வருகின்றனர். கோபம் கொண்ட பிரபு இருவரையும் வீட்டை விட்டு வெளியேற்றுகிறான். இவர்கள் மூலம் கொலையாளியை பிடிக்க எண்ணுகிறார் டி.ஜி.பி. அதன்படி இவர்களது திருமண வரவேற்பு அழைப்பிதழ் நாளிதழ்களில் வெளியிடப்படுகிறது. நள்ளிரவில் பாலனை கொலை செய்ய வரும் கொலையாளியை போலீசார் மடக்கி பிடிக்கின்றனர். கொலையாளி பிரபு என தெரிந்ததும் அனைவரும் அதிர்கின்றனர்.

பிரபுவை சைக்யாட்ரிஸ்ட் ரவிச்சந்திரன் ஆழ்நிலை உறக்கத்திற்கு கொண்டு சென்று உண்மையை கண்டறிகிறார். அதன்படி பிரபுவினால் தாம்பத்ய வாழ்க்கையில் ஈடுபட முடியாத குறை உள்ளது எனவும் அதனால் தான் பெறாத மகிழ்ச்சியை யாரும் அடையக் கூடாது என மன நலம் பாதிக்கப்பட்டு ஒவ்வொருவரையாக கொலை செய்துள்ளான் என தெரிய வருகிறது.

என் அன்பே

2009-01-08T18:27:00.004+05:30

பொன்னி தனது பணக்காரப் பெற்றோர்களை இழந்து சித்தியின் பராமரிப்பில் வளர்கிறாள். தனது டாக்டர் கனவினை மறந்து நர்சிங் கோர்ஸ் முடித்து விட்டு நவநீதன் மருத்துவமனையில் பணிபுரிகிறாள். சித்தி மீனலோசிநியோ பொன்னியை பாச வலையில் சிக்க வைத்து அவளது சொத்தின் மூலம் தனது பிள்ளைகளுக்கு வாழ்க்கையை அமைத்து தருகிறாள்.

பொன்னிக்கு ஆவலுடன் பணியாற்றும் ரேவதி எவ்வளவோ அறிவுரை கூறியும் ஏற்க மறுக்கிறாள். மெடிக்கல் ரெப்பாக பணிபுரியும் ஸ்ரீகாந்தும் பொன்னியும் காதலிக்கின்றனர். இந்த விவரம் இரு வீட்டிற்கும் தெரிய வருகிறது. தங்கை அமுதாவின் திருமணம் முடிந்த பிறகே தன் திருமணம் என ஸ்ரீகாந்த் நினைக்கிறான். நித்யாவின் திருமணத்திற்காக பொன்னி ஆஸ்பிட்டலில் ஒரு லட்ச ரூபாய்க்கு லோன் போட்டிருந்தாள். ஸ்ரீகாந்தும் அமுதா திருமணத்திற்கு பொன்னியின் உதவியை நாடினான். ஆனால் அவளால் முடியவில்லை.

நித்யா, தனது பெற்றோர் எப்படியெல்லாம் பொன்னியை ஏமாற்றியுள்ளனர் என்பதை கூறக் கெட்ட பொன்னி அதிர்ந்து போகிறாள். இனி தன் வாழ்க்கையை தானே தீர்மானிப்பது என முடிவெடுக்கிறாள். ஸ்ரீகாந்தும் அமுதா திருமணம் மற்றும் சொந்தமாக பார்மசி வைப்பதற்காக பணம் ஏற்பாடு செய்கிறான். மேலும் தனது திருமணத்திற்குப் பிறகு வசிக்க ஒரு வீட்டையும் பார்த்து வைத்தான். எதிர்பாராத விபத்தில் சிக்கி ஸ்ரீகாந்த் பலியாகிறான். ஸ்ரீகாந்தின் தாய் பொன்னியை ஒரு தலையாக காதலிக்கும் டாக்டர் தினேஷை திருமணம் செய்து கொள்ளுமாறு வேண்டுகிறாள்.

பூஜைக்கு வந்த மலரே வா

2009-01-05T18:55:00.009+05:30

தனசேகரன் தாயை இழந்த தன் குழந்தைகளை கண்ணும் கருத்துமாக வளர்த்து வந்தார். பெரியவன் ராஜா நன்கு படித்து கம்ப்யூட்டர் எஞ்சினியராக பணிபுரிந்து வந்தான். இளையவள் சவுந்தர்யா கல்லூரியில் படித்துக் கொண்டே வீட்டு பொறுப்புகளையும் கவனித்து வந்தாள். அவளது அண்ணி சுப்ரஜா பணக்கார வீட்டு பெண்ணாகவும், பேங்கில் கேஷியாரகவும் இருந்ததால் வீட்டில் சிறு துரும்பை கூட கிள்ளிப் போட மாட்டாள்.

தனசேகர் குடியிருந்த வீட்டை மகன் பேரிலும் தனது பென்சன் பணம் இரண்டு லட்சத்தை மகளின் திருமணத்திற்காகவும் அவளது பெயரில் பேங்கில் போட்டு வைத்தார். ராஜா தனது சுயநலத்திற்காக தனது தங்கையை மன நலம் சரியில்லாத ஒருவனுக்கு கட்டிக் கொடுக்க எண்ணியிருப்பதை கேட்ட தன சேகரனுக்கு அதிர்ச்சியாக யிருந்தது. சவுந்தர்யா பெயரில் போட்டு வைத்த பணத்திற்கு ஒரு லாரி வாங்கி வாடகைக்கு விடுகிறார்.

சவுந்தர்யா கோவிலில் எதிர் பாராமல் சந்தித்த அருணையே தனக்கு மாப்பிளையாக அப்பா தேர்வு செய்ததை எண்ணி மகிழ்ந்தாள். ஆனால் அருணோ சவுந்தர்யாவின் போட்டோவை பார்க்காமல் தனது தங்கையின் திருமணத்திற்குப் பிறகே தன் திருமணம் என்று கூறுகிறான்.

மகன் வீட்டை விற்று விட்ட அதிர்ச்சியில் தனசேகரன் இறந்து விடுகிறார். மகளின் திருமணத்திற்காக நண்பனிடம் பணம் வாங்கி கொண்டு வரும் அருணின் அப்பா வழியில் சவுந்தர்யாவுக்கு சொந்தமான லாரியில் அடிபட்டு இறந்து விடுகிறார். பணத்தை லாரி டிரைவர் அபகரித்துக் கொண்டு ஓடி விடுகிறான். சவுந்தர்யா லாரியை விற்று அந்த பணத்தை அருணிடம் கொடுத்து விடுகிறாள். அண்ணனும் கை விட்ட நிலையில் சவுந்தர்யா சென்னைக்கு சென்று ஒரு வேலையில் சேர்கிறாள்.

இறுதியில் அருண் தன் அப்பா தனக்கு பார்த்த பெண் சவுந்தர்யா என்பதை அறிந்து அவளை தேடி கண்டுபிடித்து கரம் பிடிக்கிறான்.

கண்ணோரம் மின்சாரம்

2008-11-21T15:18:00.002+05:30

வெளி நாட்டிலிருந்து ஆறு வருடங்களுக்குப் பிறகு வரும் தன் மகன் சத்தியனை வரவேற்கிறார்கள் சிங்கார மூர்த்தியும் அவரது மனைவி தங்கமும். வரும் போதே ஊருக்கு வரும் குறுக்குப் பாதையில் உள்ள குளத்தில் ஒருத்தி குதித்து தற்கொலை செய்து கொண்டதாகவும் அவள் ஆவியாக அலைவதாகவும் கூறக் கேட்ட சத்தியன் திகைத்தான்.

தங்கம் தன் மகனுக்கு திருமணத்திற்கு பெண் பார்த்திருப்பதாக கூறுகிறாள். நீண்ட நாட்களுக்குப் பிறகு நண்பர்களைப் பார்த்து விட்டு அந்த குலத்தின் வழியாக திரும்பிக் கொண்டிருந்த பொது அக்குளத்தில் ஒரு பெண் குளிப்பதைக் கண்டான். அப்பெண் இறந்து போனவளின் மகள் மங்கை என்பதை அறிகிறான். தன் நண்பர்களின் மூலம் இறந்து போன பெண்ணின் கணவன் தன் மகளை ஒத்த ஒரு பெண்ணை கெடுத்து விட்டதாகவும் அதனால் அப்பெண்(மீனா) மன நிலை பாதிக்கப்பட்டு விட்டதாகவும் அப்பெண்ணையே அவள் கணவனுக்கு சத்தியனின் அப்பா திருமணம் செய்து வைத்ததாகவும் அதை சகிக்காமல் அப்பெண் தற்கொலை செய்து கொண்டதாகவும் கூறக் கேட்கிறான்.

மறு நாள் மீண்டும் அப்பெண்ணை சந்திக்க சென்ற போது பக்கத்து ஊர் பாண்டியனிடமிருந்து அவளை காப்பாற்றினான். அவள் மீனாவை கெடுத்து இந்த பாண்டியன் என்றும் தன் தாய் அவசரப் பட்டு தற்கொலை செய்து கொண்டாள்என்றும் கூறுகிறாள். மீனாவை டவுனுக்கு அழைத்து சென்று அவளை குணப்படுத்த வேண்டும். உண்மையான குற்றவாளியை அவள் மூலம் கூற வைத்து தன் தந்தை மீது சுமத்தப் பட்ட களங்கத்தை போக்க வேண்டும் என்று கூறுகிறாள்.

சத்தியன் தன் அவளை காதலிப்பதாகவும் அவளுடைய லட்சியத்திற்கு உறுதுணையாக இருப்பதாகவும் கூறுகிறான். அதன் படி மீனாவை டவுன் ஆஸ்பத்திரியில் சேர்த்து குணப்படுத்து கிறார்கள். மீனா தன்னை கெடுத்தது சத்தியனின் தந்தை சிங்கார மூர்த்தி எனக் கூறியதை கேட்டு அதிர்கிறாள் மங்கை. சத்தியன் மங்கையிடம் தான் வந்த பஸ்சில் மோதி பாண்டியன் இறந்து விட்டதாக கூறுகிறான். மீனா தன் தோழியின் காதலுக்காக தன்னைக் கெடுத்தது சத்தியனின் அப்பா என்பதை அவனிடம் கூறாமல் மறைத்து விடுகிறாள்.

எல்லைக் கோடுகள்

2008-11-21T10:19:00.000+05:30

மார்கெட்டுக்கு சென்ற வனிதா அங்கு மாயாவின் தைரியத்தைக் கண்டு இவள் தனது கொழுந்தனுக்கு(கணவனின் தம்பி) மனைவியாக வந்தால் நன்றாக இருக்குமே என எண்ணினாள். வனிதா தனது புகுந்த வீட்டில் மாமியார் மட்டுமல்லாது நாத்தனாரின் கொடுமைக்கும் ஆளாகினாள். அவள் கணவன் கதிரேசனோ அதைப் பற்றி கண்டு கொள்ள மாட்டான். கொழுந்தன் கௌதம் தான் விரும்பும் பெண்ணைத் தான் திருமணம் செய்து கொள்ளப் போவதாக திட்டவட்டமாக கூறினான். அவனது பேச்சுக்கு வீட்டில் மறுப்பு கிடையாது. தான் நினைத்த மாயாவே அவனுக்கு மனைவியாக அமைந்ததில் வனிதாவுக்கு மிக்க மகிழ்ச்சி. மாயா மூலம் தனக்கு விடிவு கிடைக்கும் என நம்பினாள். ஆனால் கௌதமுக்கு அலுவலக மாற்றல் காரணமாக மகாராஷ்டிராவுக்கு தனிக் குடித்தனம் சென்றனர். சில மாதங்களில் மாயா கருவுற்றாள். மசக்கையின் காரணமாக ஊருக்கு வந்தாள். கௌதம் தனது சகோதரியின் குணம் அறிந்திரிந்ததால் மாயாவை அவளது தாயார் வீட்டில் தான் அவள் இருக்கவேண்டுமென்று திட்டவட்டமாக கூறினான். கௌதம் அவளது குடும்பத்துக்கும் தன்னால் முடிந்த உதவிகளை செய்திருந்தான். மாயாவின் அண்ணனின் தொழிலில் நஷ்டம் ஏற்பட்டது. அதற்கு காரணம் மாயாவின் வயற்றில் வளரும் குழந்தை தான் என அவள் அண்ணி ராதிகா கூறினாள். மாயா கௌதமிடம் இதனை கூறி அழுதாள். தான் புகுந்த வீட்டில் இருப்பது தான் தனக்கு மரியாதை எனக் கூறினாள். கௌதமின் சகோதரியும் தனது தவறுகளை எண்ணி வருந்தி தனிக் குடுத்தனம் செல்ல முடிவெடுத்தாள்.

உனக்கே உயிரானேன்

2008-11-15T20:18:00.000+05:30

சாவித்திரி தனக்கும் பாத்திருக்கும் மாப்பிளைக்குமுள்ள வயது வித்தியாசத்தின் காரணமாக தனது பெற்றோர்களை வெறுத்தாள். திருமணத்திற்கான அனைத்து செலவுகளையும் தானே ஏற்பதாக மாப்பிள்ளை சந்துரு கூறியது அவள் அப்பாவுக்கு மிகவும் வசதியாகி விட்டது. திருமணம் முடிந்து முதலிரவில் சந்துருவிடமே இதற்காக சண்டை போட்டாள். சந்துரு தனது வயதான தாயினை நன்கு பார்த்துக் கொள்ள வேண்டியே இதனை காலமும் திருமணம் செய்யாமலே இருந்து விட்டதாக கூறினான். அவன் சாவித்திரி குடும்பத்திற்கு வேண்டிய உதவிகளை அவள் அனுமதி இல்லாமலே செய்து வந்தான். அவளுக்கு அதில் விருப்பம் இல்லை. மேலும் அவளது முதல் தங்கை லலிதாவுக்கு தனது செலவிலே நகை செய்து ஒரு எஞ்சினியர் மாப்பிளைக்கு திருமணம் செய்து வைத்தான். திருமணத்திற்கு தனது மனைவிக்கு சாதரண புடவை எடுத்திருந்தது பற்றி மாமனாரிடம் தன் அதிருப்தியைக் கூறுகிறான். மேலும் தன்னிடம் சொல்லியிருந்தால் நகையுடன் புடவையையும் சேர்த்து எடுத்து இருப்பெனேன்றும் கூறுகிறான். நகை செய்து போட்டதை குத்தி காட்டுவதாக சாவித்திரியின் தந்தை நினைத்தார். அடுத்த தங்கை மாலதி தன்னுடன் கல்லூரியில் படித்த அஷ்வினை தான் காதலிப்பதாகவும் எப்படியாவது திருமணம் செய்து வைக்கும்படியும் சந்துருவிடம் கூறுகிறாள். திருமணத்திற்காக மறைமுகமாக உதவி செய்கிறான். தலை தீபாவளிக்காக மூன்று மாப்பிளையையும் வீட்டிற்கு அழைத்தனர். ஆயினும் சந்துருவை அவமதிப்பதைப் போல நடத்துவதை கண்டு வெகுண்டாள் சாவித்திரி. தனது பெற்றோருடன் இதற்காக சண்டை இட்டாள். சந்துருவிடம் அலுவலகத்தில் வேறு ஏதேனும் ஊருக்கு ட்ரான்ஸ்பர் வாங்குமாறும் கேட்டுக் கொண்டாள்.

சந்தன மலர்கள்

2008-11-15T19:51:00.002+05:30

சாதரண குமாஸ்தாவாக இருந்த பெரிய சாமி நிறைய பணம் சம்பாதிக்க சீட்டு பிடிக்க ஆரம்பித்தார். பணம் அதிகமாக சேர்ந்ததும் தனது குடும்பத்திற்குக் கூட தெரியாமல் வீட்டையும் விற்று விட்டு கிடைத்த பணத்துடன் தலை மறவானார். அவரது மகள் ரஞ்சினி தனது படிப்பை பாதியில் நிறுத்தி விட்டு குடும்பத்தைக் காப்பாற்ற வேலை தேடினாள். சீட்டு கட்டி ஏமாந்தவர்கள் பெரிய சாமியின் குடும்பத்தை தூற்றினர்.

சபரி எம்.சி.ஏ படிக்க ஆசைப் படுவதாக தனது தந்தையிடம் கூறிய போது தான் கட்டி வருகிற சீட்டு பணத்தை நம்பி சம்மதித்தார். பெரிய சாமி பணத்துடன் தலை மறைவானதை அறிந்து அதிர்ச்சி அடைந்தார். சபரி தனது படிப்புக்கேற்ற வேலையை தேடினான்.

ஒரு கம்பெனியின் நேர்முகத்தேர்வுக்கு இருவரும் வந்திருந்தனர். பெரிய சாமியின் செயலினால் ரஞ்சினிக்கு அந்த வேலை கிடைக்காமல் சபரிக்கு கிடைத்தது. சபரி ரஞ்சனியின் உண்மை நிலையறிந்து அவளுக்காக அனுதாபப் பட்டு அவ்வப்போது உதவிகள் செய்து வந்தான். அவனது குடும்பத்தினர் இதனை கண்டித்தனர்.

சபரி தனது நண்பனின் மூலம் ரஞ்சினியை விளம்பர மாடலக்கினான். அதன் மூலம் அவள் சின்னத்திரையில் பிரபலமானாள். தான் புகழ் உச்சிக்கு சென்ற போதும் சபரியை தனது மானசீக வழிகாட்டியாக நினைத்து எல்லா விஷயத்திற்கும் அவனிடம் அறிவுரை கேட்டாள. அவனது தங்கை திருமணத்திற்கு பண உதவி செய்தாள்.

சபரியின் பெற்றோர் ரஞ்சினியின் அம்மாவிடம் தனது மகனுக்கு பெண் கேட்டனர். ரஞ்சினியின் அம்மாவோ அவர்களை அவமதித்து அனுப்பினாள். ரஞ்சினி தான் நடிக்கும் சீரியலின் கேமரா மேன் சசிதரன் தன்னை காதலிப்பதாக கூறியதாகவும் அதனை ஏற்கலாமா என சபரியை ஆலோசனை கேட்கிறாள். அவனும் ஏற்று கொள்ளச் சொல்லுகிறான். இதற்கிடையில் அவனது பெற்றோர் வந்து சென்றதை அம்மா கூறக் கேட்டு குழம்புகிறாள் ரஞ்சினி. இதனை சபரியிடமே கேட்கிறாள். அவன் அதைக் கேட்டு அதிர்கிறான்.

ஊருக்கு உபதேசம்

2008-11-11T10:34:00.003+05:30

இலஞ்சி திருநெல்வேலி மாவட்டத்திலுள்ள அழகான சிறு கிராமம். அங்குள்ள நடு நிலைப் பள்ளியில் எட்டாம் வகுப்பு ஆசிரியராக பணி புரிந்து வந்தார் ராமதாஸ் வாத்தியார். அழகான மனைவியும் இரு குழந்தைகளுமே அவரது உலகம். "வாத்தியார் பிள்ளை மக்கு" என்ற பழமொழிக்கேற்ப அவரது வாரிசுகள் கண்ணன் மற்றும் இளவரசி இருவருமே படிப்பில் படு சுமார்.

தென்காசியில் பிரபலமான ஜவுளிக்கடையில் பணிக்கு அமர்ந்தான் கண்ணன். அங்கு ஜவுளி எடுக்க வந்த மாலதியை காதலித்தான். மாலதி முதலில் எதிர்ப்பு தெரிவித்தாலும் நாளடைவில் கண்ணனின் அன்பில் உருகினாள். தென்காசி விஸ்வநாதரின் அருளால் இருவரின் காதலும் வளர்ந்தது. இவர்களது காதல் விவகாரம் வாத்தியாருக்கு தெரிந்ததும் கடுமையாக எதிர்த்தார்.

மாலதி தாழ்த்தப்பட்ட இனத்தை சார்ந்தவள் என்பதால் இக்காதலை நிராகரித்தார். மேலும் இவர்களது திருமணம் நடந்தால் இளவரசியை யாரும் பெண் கேட்டு வரமாட்டார்கள் என அஞ்சினார். மாலதி வாத்தியாரிடம், சார் "தீண்டாமை ஒரு பாவச் செயல்" என்றும் "சாதி இரண்டொழிய வேறில்லை" மாணவர்களுக்கு கற்பித்த நீங்களே சாதியை காரணம் காட்டி எங்களது காதலை நிராகரிக்கிறீர்களே என்று கூறக் கேட்ட வாத்தியார் அதிர்ந்தார்.

நிறங்கள் பலவிதம்

2008-11-04T10:36:00.003+05:30

நகரில் மிகப் பெரிய பள்ளியில் ஆறாம் வகுப்பு படித்து வந்தான் கண்ணன். அவனது தந்தை சோம சுந்தரம் பிரபலமான வழக்கறிஞர். தாய் கல்யாணி அன்பே உருவானவள். அவனை அதட்டி கூட பேச மாட்டாள். ஒரே பையனான கண்ணனும் படிப்பில் படு சுட்டி. அதி புத்திசாலி. இருந்தாலும் அவனிடம் உள்ள ஒரே கெட்ட குணம் நிறப் பாகுபாடு பார்ப்பது தான். பள்ளியிலும், உறவுக்காரப் பிள்ளைகளிலும் கூட சிவப்பானவர்களையே தனது நண்பர்களாக்கிக் கொண்டான். சற்று கறுப்பாக இருப்பவர்களை வெறுத்தான். இவனை எப்படி திருத்துவது என்று கல்யாணி வருத்தம் கொண்டாள்.

ஒரு நாள் உறவினர் வீட்டு திருமணத்திற்காக சோம சுந்தரமும் கல்யாணியும் சென்றிருந்தனர். கண்ணனுக்கு தேர்வு சமயம். ஆகையால் அவனை வீட்டில் விட்டு விட்டு பாதுகாப்பிற்கு தாயம்மாவை அவனுடம் தங்குமாறு கேட்டிருந்தனர். கண்ணன் தேர்வு முடிந்ததும் தன் பள்ளி நண்பர்களை வீட்டிற்கு அழைத்து வந்தான். நண்பர்களுடன் சேர்ந்து ஆட்டம் போட்டான். தாயம்மா, "தம்பி அம்மா அப்பா இல்லாத நேரத்தில் இப்படி எல்லாம் செய்யக் கூடாது. இதெல்லாம் தப்பு" என்றாள். கண்ணனோ "போ! போ! எல்லாம் எனக்குத் தெரியும். பெரிசா சொல்ல வந்துட்டா ஆளைப் பாரு நல்ல தார் டின்னாட்டம் " என்று கூறினான். கண்ணன் தன் நண்பர்களிடம் 'எங்க அப்பா போன வாரம் புதுப் பட டி.வி.டி வாங்கிட்டு வந்தார். வாங்கடா நாம் மாடிக்குச் சென்று பார்ப்போம் " என்று அனைவரையும் அழைத்துச் சென்றான். டி.வி. ஐ ஆன் செய்ய முயன்ற பொது மின் கசிவின் காரணமாக கண்ணனுக்கு ஷாக் அடித்து ஆ என அலறிக் கொண்டு கீழே விழுந்தான். தலையில் ஏற்பட்ட பலத்த காயம் காரணமாக ரத்தம் அதிகமாக வெளியேறியது. நண்பர்கள் அனைவரும் செய்வதறியாமல் வெளியே ஓடி விட்டனர்.

சத்தம் கேட்டு ஓடி வந்த தாயம்மா கண்ணனை அவசர அவசரமாக தூக்கிக் கொண்டு பக்கத்திலிருந்த ஆஸ்பத்திரியில் சேர்த்தாள். அப்படியே சோம சுந்தரத்திற்கும் தகவல் தெரிவித்தாள். அதிக ரத்தம் வெளியேறியதால் ரத்தம் தேவைப் பட்டது. தாயம்மாவின் ரத்தப் பிரிவு கண்ணனது ரத்தப் பிரிவுட ஒத்துப் போனதால் அவளது ரத்தத்தை கண்ணனுக்கு செலுத்தினர். கண்ணனும் நடந்ததை அறிந்து தாயம்மாவிடம் தான் இவ்வளவு நாள் அவளை இழிவாக பேசியதற்கு வருத்தம் தெரிவித்து தன்னை காப்பாற்றியதற்காக நன்றி தெரிவித்தான். கண்ணன் வெளித் தோற்றத்தில் அனைவரும் வேறு நிறமாக இருந்தாலும் ரத்தத்தின் நிறம் ஒன்றே என்பதை உணர்ந்து கொண்டான். அதன் பின் அவன் அனைவரையும் ஒன்றாகவே கருதினான்.

உயிரே உயிரே

2008-10-22T10:17:00.003+05:30

அஷ்வின் சென்னை ராம நடராஜ தீட்சிதர் கூறியதன் பேரில் இடைக்கழிநாடு ஜோசியரை பார்க்க சென்றான். அவரிடம் தன் முதலாளி தொழிலதிபர் சந்திரமௌளிஷ்வரனின் ஜாதகத்தைக் கொடுத்து ஆயுள் பலம் பற்றி கேட்டான். அவர் தற்போது ஹார்ட் அட்டாக் வந்து ஆஸ்பிட்டலில் அனுமதிக்கப் பட்டிருப்பதையும் கூறினான்.
ஜோசியர் புஷ்ய நட்சத்திரத்தில் புஷ்பவதியான ஒரு பதினெட்டு வயதுப் பெண்ணை அவர் கல்யாணம் செய்து கொண்டால் பிழைக்க வாய்ப்பு உள்ளதாக தெரிவித்தார். அஷ்வினும் தனது முதலாளியம்மா பாரிஜாதத்திடம் சென்று விவரத்தைக் கூறினான். அவள் சந்திர மௌலிஷ்வரனையும் பேசி சம்மதிக்க வைத்தாள்.
டைப்ரைட்டிங்க் இன்ஸ்டியுட்டில் படிக்கும் திவ்யாவும் பாஸ்கரும் ஒருவரையொருவர் காதலித்தனர். இருவரும் அந்த ஜோசியரைப் போய் பார்த்தனர். ஜாதகத்தில் நம்பிக்கை இல்லாத அஷ்வினின் நண்பனான பாஸ்கர் ஜோசியர் குறிப்பிட்ட பெண்ணான தனது காதலி திவ்யாவை தொழிலதிபருக்கு திருமணம் செய்து வைக்க சம்மதம் தெரிவிக்கிறான்.

அதன்படி சந்திரமௌலிஷ்வரன்-திவ்ய திருமணம் நடை பெற்றது. ஜோசியர் கூறியது போல திவ்யாவின் மாங்கல்ய பலத்தால் சந்திரமௌலி உடல் நலம் தேறி ஆரோக்கியம் அடைந்தார். பாஸ்கர் திவ்யாவிடம் இன்னும் மூணு மாதத்தில் அவள் தன்னுடன் வர வேண்டும் என்றும் சொத்து கூட தேவை இல்லை என்றும் கூறினான். இவர்களது விவரம் தெரிந்த சந்திரமௌலி திவ்யாவை விவாகரத்து செய்து பாஸ்கரனுக்கு திருமணம் செய்து வைத்தார். ம தேனிலவுக்காக கொடைக்கானலுக்கு சென்ற புது மணத் தம்பதியரின் கார் விபத்திற்குள்ளாகி பாஸ்கர் சம்பவ இடத்திலேயே இறந்தான். கேள்வி பட்ட சந்திரமௌளியும் மாரடைப்பால் இறந்து போனார்.

சிறகடிக்க ஆசை

2008-10-10T14:44:00.004+05:30

ரேவதி அரசு பள்ளியில் பத்தாம் வகுப்பு படித்துக் கொண்டிருந்தாள். வானில் பறவையைப் போல பறந்து செல்லும் விமானத்தை வேடிக்கை பார்ப்பது அவளது பொழுது போக்கு. பைலட்டாக வேண்டுமென்பது அவளுடைய ஆசை. அவளது அம்மா கல்யாணி," ரேவதி! ரேவதி! எங்கேடி இருக்கே? எனக்கு நேரமாகுது. பெரிய வீட்டுக்கு வேலைக்குப் போகணும். சீக்கிரம் வா! " என்று அழைத்தாள்.

ரேவதி, " இதோ வர்றேன்மா" என்று அவள் முன் நின்றாள். அம்மா பரீட்சைக்கு பணம் கட்டனும். நேத்தே சொன்னேனே என்றாள்.
கல்யாணி "சரி சரி இடைவேளையின் போது மீனாம்மா வீட்டுக்கு வா. அந்தம்மாகிட்ட நேத்தே சொல்லி வைச்சிருக்கேன். பணம் வாங்கித் தர்றேன். அடுத்த தெருவில் இருக்கும் சோப்பு கம்பெனியில் வேலைக்கு சொல்லி வைச்சுருக்கேன். நீ இந்த வருஷம் படிப்பு முடிஞ்சதும் சேந்துக்கலாம் " என்றாள்.

திடுக்கிட்ட ரேவதி,"அம்மா அம்மா நான் பெரிய படிப்பெல்லாம் படிக்கனும்மா! ப்ளேன் ஐ ஓட்டற படிப்பெல்லாம் படிக்கனும்மா " என்று கெஞ்சினாள்.

கல்யாணி," இருக்கிற நிலைமையில் அது ஒண்ணுதான் குறைச்சல். உங்க அப்பன் உன்னையும் என்னையும் அனாதையா விட்டுட்டு போயிட்டான். நான் நாலு வீட்ல வேலை செஞ்சா தான் மூணு நேர கஞ்சியே குடிக்க முடியும். நாம எல்லாம் பிளேனை தரையில் நின்னு பார்க்கத் தான் முடியும். அது கிட்டக் கூட போக முடியாது. " என்றாள்.

ரேவதி சிறிது நேரத்தில் வானில் பறந்த விமானத்தை ஏக்கத்துடன் பார்த்தப்படி நின்றாள்.

சுமை தாங்கி

2008-10-08T20:59:00.008+05:30

மாலதிக்கு இருபத்தி ஆறு வயதாகின்றது. அவளுடன் படித்தவர்கள் அனைவருக்கும் திருமணமாகி ஆசைக்கு ஒன்று என்றும் சிலர் ஆஸ்திக்கு ஒன்று என்று குழந்தை குட்டிகளுடன் குடும்பம் நடத்திக் கொண்டிருந்தனர். அவளுக்கு அவர்களைப் பார்க்கும் போதெல்லாம் ஏக்கமாக இருக்கும். அதனால் அவர்களைப் பார்ப்பதை தவிர்ப்பாள்.

அவளது அப்பா குண சேகரன் அரசாங்க வேலையில் இருக்கும் போதே மாரடைப்பில் இறந்து விட்டார். பட்டப் படிப்பை முடித்திருந்த மாலதிக்கு அந்த வேலை கிடைத்தது. கூடவே குடும்ப பொறுப்பும் அவளது தலையில் விழுந்தது.

தனது மற்ற குழந்தைகளின் எதிர்காலமே மாலதியை நம்பி இருப்பதால் அவளது திருமணத்தைப் பற்றியே அம்மா சிவகாமி பேச்சு எடுக்கமாட்டாள். யாரும் கேட்டாலும் "இப்ப என்ன அவசரம்? மாலதி ஒரு சின்ன குழந்தை. இன்னும் கொஞ்ச நாள் போகட்டும் " என்று கூறி விடுவாள்.

மாலதிக்கு அலுவலகத்தில் இருக்கும் எட்டு மணி நேரமும் சொர்க்கத்தில் இருப்பது போல் தோன்றும். காரணம் அவளுடன் வேலை பார்க்கும் கணேசன்.
கணேசனும் மாலதியும் ஒருவரையொருவர் விரும்பினார்கள். கணேசனுக்கு பெற்றோர்கள் இல்லை. தூரத்து உறவினரான அவனது அத்தை ஒருத்தி தான் அவனை எடுத்து வளர்த்தாள். அவளும் கடந்த ஓராண்டுக்கு முன்பு தான் இறந்து போனாள். இருவரும் வழக்கம் போல் அலுவலகம் முடிந்ததும் அருகிலிருந்த பார்க்கில் சந்தித்தனர்.

"இன்னும் எவ்வளவு நாள் தான் கல்யாணத்தை தள்ளிப் போடப் போற? சீக்கிரம் உங்க வீட்லப் பேசி ஒரு முடிவு சொல்லு" என்றான் கணேசன். மாலதி பதிலேதும் பேசாமல் மௌனமாய் இருந்தாள்.

வீட்டுக்குள் நுழையும் போது சிவகாமியிடம் பக்கத்து வீட்டு மாமி "இன்னும் எத்தனை நாளைக்கு மாலதிய ஆத்துலேயே வைச்சுக்கிட்டு இருப்பாய்? அவளுக்கும் ஒரு கல்யாணத்தை பண்ணி புக்காத்துக்கு அனுப்ப வேண்டாமோ? என்று கேட்டாள்.

சிவகாமி "அதை நினைச்சா தான் மாமி எனக்கும் மாமி கவலையா இருக்கு. சிவா படிச்சு முடிச்சு ஒரு நல்ல வேலையில் சேர்ந்துட்டா இவளுக்கு கல்யாணம் பண்ணிடலாமுன்னு நினைச்சுகிட்டு இருக்கிறேன்" என்றாள்.

இதைக் கேட்ட மாலதி அம்மா இன்னும் மூன்று வருடத்திற்கு திருமண பேச்சே எடுக்க மாட்டாள். இவளிடம் எப்படி கணேசனைப் பற்றி கூறுவது என்று யோசித்தாள். வேறு வழி இல்லை. இன்று எப்படியும் சொல்லி விட வேண்டியது தான் என்ற முடிவுடன் தான் தன்னுடன் வேலை பார்க்கும் கணேசனை விரும்புவதாக கூறினாள்.

சிவகாமி "உங்க அப்பா இருந்திருந்தா நீ இப்படி எல்லாம் பேசுவியா? இப்படி என்ன தவிக்க விட்டுட்டு போயிட்டாரே. குடும்பமே உன்ன நம்பி இருக்குன்ற திமிர்டி நாம என்ன செஞ்சாலும் யார் கேட்பாங்கன்ற தைரியம். அதான் இப்படியெல்லாம் பேசுற" என்று அழுது ஆர்ப்பாட்டம் செய்தாள்.

மாலதி "அவன் யார்? நல்லவனா கெட்டவனா? என்ன ஜாதி? இப்படியெல்லாம் கேட்டிருந்தால் கூட நான் சந்தோஷப் பட்டிருப்பேன். ஆனா நீ எங்கே நான் கல்யாணம் செஞ்சுட்டு போய்ட்டேனா வருமானம் போயிருமேன்னு கவலைப் படறே". ச்சே! நீயெல்லாம் ஒரு அம்மாவா? இப்ப சொல்றேன் கேட்டுக்கோ. நான் கல்யாணம் செஞ்சப்புறமும் என் தம்பி, தங்கையை நல்லபடியா படிக்க வைச்சு உன்னையும் கடைசி வரை பாத்துக்குவேன். என்று கூறினாள்.

கொலை அரங்கம்

2008-10-07T19:39:00.004+05:30

மிகப் பெரிய சொத்துக்கு நேரடி வாரிசு இல்லாததால் உத்தம் மற்றும் பீனவுக்கு வருகிறது. மேலும் இரண்டு வாரிசுகள் அமெரிக்காவில் இருந்ததால் அவர்கள் தங்களுக்கு வேண்டாமென்று கூறிவிட்டார்கள். உத்தம் பீனா முத்தமிழ் கலையரங்கம் துவக்க விழாவுக்கு கணேஷ் வசந்த் இருவரும் வருகிறார்கள்.
விழாவின் போது ஈழ விடுதலை இயக்கத்தை சார்ந்தவர்கள் வைத்த பாமில் ஒரு எலக்ட்ரீசியன் இறந்து விடுகிறான். உத்தம் சிறிய காயத்துடன் உயிர் பிழைத்தான்.
ஒரு வாரத்திற்குப் பிறகு உத்தம் மற்றொரு வெடி விபத்தில் மாட்டிக் கொள்கிறான். சுமதி ஆஸ்பிட்டலில் அனுமதிக்கப் படுகிறான். கணேஷும் வசந்தும் பீனாவின் மீது சந்தேகம் கொள்ளுமாறு சூழ்நிலை உருவாகிறது.
பீனாவின் மீதும் கொலைத் தாக்குதல் நடை பெறுகிறது. அவளும் அதே ஆஸ்பிட்டலில் அனுமதிக்கப் படுகிறாள். அந்த சமயம் இந்தியாவுக்கு ஒரு செமினாருக்காக வந்திருக்கும் அந்த சொத்தின் பங்கு தாரர் ராஜா சந்திரனின் மீது சந்தேகம் கொண்டு விசாரிக்கின்றனர். ஆனால் அவரும் கொலை செய்யப் படுகிறார்.
இறுதியில் உத்தம் தான் சொத்திற்காக இவ்வாறெல்லாம் செய்தான் என்பதை கணேஷ் துப்பறிகிறார்.

மூன்று முடிச்சு

2008-10-03T15:34:00.006+05:30

அம்முவுக்கு திருமண ஏற்பாடுகள் நடந்து கொண்டிருந்தது. இன்னும் ஒரு மாதத்தில் திருமணம். மாப்பிள்ளைக்கு தனியார் நிறுவனத்தில் வேலை. ஒரே பையன். எந்த பிக்கல் பிடுங்கலும் இல்லை. சம்பந்திக்கு நல்ல குணம் "உங்க பெண்ணுக்கு நீங்க இஷ்டப் பட்டதை செய்யுங்க" என்று கூறி விட்டார்.

திருமண நாள் நெருங்கிக் கொண்டிருந்தது. சொந்தக் காரர்கள் அனைவரும் ஒரு வாரத்திற்கு முன்பே வந்திருந்ததால் வீடே கல கலத்தது. அம்மு தன் பெற்றோர்களையும் உடன் பிறந்தவர்களையும் எப்படி பிரிந்து செல்லப் போகிறோம் என்று கவலை கொண்டாள். அவள் அம்மா தமயந்தி " கவலைப் படதே அம்மு. எங்கப் போகப் போற? இதோ இருக்கிற டவுன்லதான. நினைச்சா நாங்க வந்து பார்த்துக்கப் போறோம் " என்று ஆறுதல் கூறினாள். அவள் தம்பி ராமுவோ "அக்கா நீ எங்களை எல்லாம் மறந்துட மாட்டீயே" என்று கேட்டான். அம்மு தன் அம்மாவிடம், "அம்மா எனக்கு கல்யாணமே வேண்டாம். நாம எல்லாம் இப்படி ஒன்னாவே இருந்துரலாம் " என்று கூறினாள்.

திருமணம் நல்ல படியாக முடிந்து அம்மு புகுந்த வீடு சென்றாள். ஒரு வாரத்திற்குப் பிறகு மாப்பிள்ளையும் பெண்ணும் மறு வீடு வந்தனர். அம்மு ஆளே மாறிப் போய் விட்டாள். அவள் அம்மாவிடம் "ஏம்மா! சாம்பார் வைக்கும் முன்ன என்னை கேட்டிருக்கக் கூடாதா? அவங்களுக்கு முள்ளன்கியே புடிக்காது. இது என்ன பாயசத்தில் இனிப்பே இல்ல. அவங்களுக்கு இனிப்பு சற்று தூக்கலா இருக்கணும். தயிர் பச்சடி வேணாம் வெண்டக்கா பச்சடி வை" என்று அதிகாரம் செய்தாள். மேலும் நாங்க சாயங்காலமே கிளம்பனும். அங்க என் அத்தை தனியா இருக்காங்க என்று கூறினாள்.

ராமு அக்கா அம்முவை அதிசயமாக பார்த்தான். இது தாண்டா பொண்ணுங்க குணம். அவங்க கழுத்தில மூணு முடிச்சு ஏறியதும் புருஷனும் புகுந்த வீடும் தான் முக்கியம். நாம எல்லாம் இரண்டாம் பட்சம் தான். இப்படிதன் பொண்ணு இருக்கிறது தான் ஒவ்வொரு தாய்க்கும் பெருமை.

ப்ரியா என்னை பிரியாதே

2008-10-03T15:05:00.004+05:30

தொழிலதிபர் சோம்நாத்தின் மகள் ப்ரியா கோவிலுக்கு தனியே செல்லுகிறாள். இனி அவ்வாறு செல்ல அனுமதிக்க வேண்டாமென்று ஆஸ்தான சோதிடர் பார்கவா சோம்நாத்திற்கு எச்சரிக்கிறார். ப்ரியா கோவிலில் தன்னுடைய நட்சத்திரத்தைக் கொண்ட சரவணனை சந்திக்கிறாள்.

சரவணனும் அவனது அத்தை மகள் கௌசல்யாவும் விரும்புகின்றனர். ஆனால் இவர்களுக்கு திருமணம் நடக்காது என அவனது மாமா மரகதலிங்கம் கூறுகிறார். சோம்நாத்தின் கம்பெனியில் வேலைக்கு செல்கிறான். அங்கு நடக்கும் தில்லு முல்லுகளைக் கண்டு வெறுக்கிறான். வேலுப் பிள்ளை தனது பிஸ்னசில்ஏற்பட்ட நஷ்டத்தை சரிகட்ட ப்ரியாவை தனது மகன் பிரகாஷுக்கு திருமணம் செய்ய நினைக்கிறான். அதன்படி ப்ரியாவின் ஜாதகத்திற்குப் பொருந்துகிற மாதிரி ஒரு போலி ஜாதகத்தை தன் மகனுக்கு உருவாக்குகிறார்.

ப்ரியாவும் பிரகாஷும் பேசிக் கொண்டிருக்கும் போது அங்கு வந்த சரவணன் அவர்களது அலுவலகத்தில் நடக்கும் அநியாயங்களை கூறுகிறான். பிரகாஷ் சரவணன் மீது திருட்டுப் பலியை சுமத்தி போலீசில் மாட்ட வைக்கிறான். இதனால் கௌசல்யா அவனை விட்டு விலகுகிறாள். ஆத்திரம் கொண்ட சரவணன் ப்ரியாவின் நிச்சயதார்த்த விழாவுக்கு செல்கிறான்.

வேலுப் பிள்ளை மற்றும் பிரகாஷின் சுய ரூபம் ப்ரியாவுக்கு தெரிய வருகிறது. விழாவில் ப்ரியாவை பழி வாங்க எண்ணி அவளை கட்டிப் பிடித்து முத்தம் கொடுக்கிறான். இறுதியில் ப்ரியாவும் சரவணனும் ஒன்று சேர்கிறார்கள்.

பவள மல்லி

2008-09-29T20:29:00.007+05:30

மானுவின் தந்தை முருகேசன் கால்காசானாலும் அரசாங்க உத்தியோகத்தில் இருந்தார். ஆனாலும் நடுத்தரமான குடும்பம்தான். மானு அவளது தம்பி மணி இருவரையும் அரசு பள்ளியிலேயே சேர்த்திருந்தனர். இருவரும் குடும்ப சூழ்நிலையை நன்கு உணர்ந்து படித்தனர். லெட்சுமி அவ்வளவு கட்டுக்கோப்பாக பிள்ளைகளை வளர்த்திருந்தாள். அந்த விதத்தில் அவளுக்கு சற்று பெருமை உண்டு.

மானுவுக்கு தன் சிறு வயதிலிருந்து வித விதமான பூக்களை வளர்க்க வேண்டும் என்ற ஆர்வம் இருந்தது. அதிலும் குறிப்பாக பவள மல்லி என்றால் அவளுக்கு தனிப் பிரியம். அதன் ஐந்து இதழ்களும் பவளத்தையொத்த அதன் காம்புகளும் அதன் சுகந்த மணத்திலும் தன்னையே மறந்து விடுவாள்.

பாரதியாரை போன்று இவளும் சக்தியிடம் வேண்டினாள் காணி நிலம் வேண்டி. அதில் தங்களுக்கென்று சிறு வீடு கட்டிக் கொண்டு வீட்டை சுற்றிலும் பூச்செடிகளை வளர்க்க வேண்டுமென்று நினைத்தாள். அவள் அம்மா லெட்சுமியிடம் அடிக்கடி கேட்பாள் "ஏம்மா நாம எப்ப வீடு வாங்குவோம் ?" அதற்கு லெட்சுமி "சீக்கிரமே வீடு வாங்குவோம்டி கண்ணு" என்பாள். மானு,"போம்மா நீ எப்ப கேட்டாலும் இப்படியே தான் சொல்லி ஏமாத்தற" என்று கோவித்து கொண்டு முகத்தை தூக்கி வைத்துக் கொண்டு திண்ணையில் சென்று அமர்ந்தாள்.

லெட்சுமி "வீடு என்ன திருவிழாக் கடையில் விக்கிற பொம்மையா? இவள் கேட்டதும் இருபது ரூபாய் கொடுத்து வாங்கி கொடுக்க" என்று மனதுக்குள் நினைத்தாள். முருகேசன் அலுவலகத்தில் போட்ட ஜி.பி.எப் லோன் மற்றும் லெட்சுமியின் சேமிப்பினைக் கொண்டு ஊருக்கு ஒதுக்குப் புறமாக ஐந்து சென்ட் இடத்தை வாங்கினார்.

அதற்குள்ளாக மானு அந்த இடத்தில் வீடு கட்டியது போலவும், வீட்டைச் சுற்றிலும் பூக்கள் வளர்ப்பது போலவும், குறிப்பாக வீட்டின் எதிரே பவள மல்லியை நட்டு அது பூத்து குலுங்குவதாகவும் கனவு கண்டாள். தனது கனவு என்றேனும் ஒரு நாள் பலிக்கும் என நம்பினாள்.

காலங்கள் உருண்டோடியது. மானுவின் திருமணத்திற்காக அந்த இடத்தை விற்க நினைத்தார் முருகேசன். ஆனால் மானு பிடிவாதமாக மறுத்து விட்டாள். ஒருவழியாக பணத்தை புரட்டி மானுவின் திருமணத்தை முடித்து விட்டார். மணியும் தனது படிப்பை முடித்து நல்ல வேலையில் சேர்ந்தான். இரண்டு ஆண்டுகளில் கையில் இருந்த சேமிப்பின் மூலம் மானுவின் கனவு நிறைவேறியது. பவள மல்லியும் பூத்து குலுங்கியது. ஆனால் அங்கிருந்து அதனை கண்டு ரசிக்க முடியாமல் மானு புகுந்த வீட்டில் வாழ்க்கை நடத்திக் கொண்டிருந்தாள்.

தங்க திரிசூலம்

2008-09-25T18:37:00.007+05:30

கஜேந்திரன் தன் அம்மா லட்சுமியின் ஆசிர்வாதத்தோடு பிரபலமான வின்ட்மில் கம்பெனியில் ப்ராஜெக்ட் என்ஜினியராகவேலைக்கு சேர்ந்தான். கம்பெனியின் ஜி.எம். தாமஸ் பெர்சனல் மேனேஜரிடம் அனைத்தையும் எக்ஸ்ப்ளைன் செய்யுமாறு கூறினார். கம்பெனி வளாகத்தில் ஒரு மரத்தின் அடியில் திரிசூலம் ஒன்று இருப்பதையும் அதை அங்குள்ளவர்கள் தெய்வமாக வழிபடுவதையும் கண்டான். மேலும் கஜேந்திரன் அதை கேலி செய்தான்.

கஜேந்திரன் தன்னுடைய டிரைனர் அஜந்தாவிடமும் சூலத்தை பற்றி கேலியாக பேசிக் கொண்டிருக்கும் போது அங்கிருந்த ஒரு பெண்ணுக்கு சாமி வந்து அந்த சூலத்தால் கஜேந்திரனை குத்தி விடுகிறாள். தகவல் அறிந்த கஜேந்திரனின் தாய் ஆஸ்பத்திரியில் தன் மகன் பிழைக்க மாட்டானென்றும் இது தன் குடுமபத்திற்கு ஒரு பூசாரியின் சாபம் என்று புலம்புகிறாள்.

பின்னர் அஜந்தாவின் துணையுடன் அந்த சூலம் இருக்குமிடத்திற்குச் சென்று தன் மகனை காப்பாற்றும்படி வேண்டுகிறாள். கஜேந்திரனும் பூரண குணமடைந்து வீடு திரும்புகிறான். சில நாள்களுக்குப் பிறகு அவனது அலுவலக கேண்டினில் சாப்பாடு விலை உயர்வு காரணமாக யூனியனுக்கும் மநேஜ்மேண்டுக்கும் மோதல் ஏற்பட்டது. அதில் ஏற்பட்ட கலவரத்தில் ஒருவன் அந்த சூலத்தால் கஜேந்திரனை குத்தி விட்டான்.

லட்சுமி இம்முறை தன் மகன் நிச்சயமாக பிழைக்க மாட்டானென்று கூறுகிறாள். காரணம் கெட்ட அஜந்தாவிடம் முப்பத்தைந்து வருடத்திற்கு முன்னால் வேலாயுதம்பாளையத்தில் தங்க மாரியம்மன் கோவில் கும்பாபிஷேக வேலை நடைபெற்று கொண்டிருந்தது. அவளது மாமனாரும் ஊர்தலைவருமான சிவந்ஜனம், அந்த கோவிலுக்கு காணிக்கையாக சிங்கப்பூர்க்காரர் அளித்த தங்க திரிசூலத்தை அபகரித்து பழியை கோவில் பூசாரி மேல் விழச் செய்தார்.

பூசாரி திரிசூலத்தை அபகரித்தவன் குடும்பத்தை அந்த சூலமே தண்டிக்கும் என்று கூறி ஆற்றில் மூழ்கி இறந்து விடுகிறார். அதன்படியே கஜேந்திரனின் தாத்தா, அப்பா மற்றும் அவனுடைய சித்தப்பா மூன்று பேரும் இறந்து விட்டதாக கூறுகிறாள். அஜந்தா அதற்குப் பரிகாரமாக அந்த திரிசூலத்தின் மதிப்பிற்கு பணத்தையோ அல்லது வேறொரு திரிசூலமோ செய்து காணிக்கையாக கோவிலுக்கு கொடுத்து விடலாம் என்று கூறுகிறாள். அதன் படி லட்சுமி முதலில் பழைய திரிசூலத்தை அளித்து செய்த தங்க பிஸ்கட்டுகளை பூசாரி மூழ்கிய ஆற்றில் போட்டு பூசாரியிடம் மன்னிப்பு கேட்கிறாள். மேலும் தன் மகன் பிழைத்து வந்த பிறகு அவன் கையால் தங்க திரிசூலம் செய்து காநிக்கையாகுவதாக வேண்டுகிறாள். அச்சமயம் கஜேந்திரன் உயிருக்கு ஆபத்து இல்லையென்றும் அவன் பிழைத்து விட்டதாகவும் போன் வருகிறது.

கனவு கரையும் நேரம்

2008-09-25T18:02:00.002+05:30

தேவா மற்றும் பிரதீபா இருவரும் ஒருவரையொருவர் ஏழு மாதங்களாக விரும்புகின்றனர். பிரதீபா பெரிய தொழிலதிபரின் மகள். தேவா தங்களது காதலைப் பற்றியும் பிரதீபாவை அவளது தந்தையிடம் பேசுமாறு கூறுகிறான்.

சன்லைட் டிடெக்டிவ் ஏஜென்சியின் தலைவி அனாமிகாவை தாமஸ் என்பவன் சந்தித்து கங்காதர் தன் மகள் பிரதீபா விரும்பும் தேவாவின் நடவடிக்கைகளைப் பற்றி ரகசியமாக கண்காணிக்க தங்களது நிறுவனத்தி அணுகுமாறு கூறியதாக தெரிவித்தான்.

அனாமிகாவும் அதற்கான நடவடிக்கைகளை ஆரம்பித்தாள். அதன்படி தேவா நேர்மையானவன் என்பது தெரிய வருகிறது. தாமஸ் தேவாவை அவன் பேஸ்கட் பால் விளையாடும் மைதானத்தில் வைத்து கொலை செய்து விடுகிறான். இன்ஸ்பெக்டர் தயாளன் விசாரித்ததன் பேரில் தாமஸ் தான் கொலை செய்தான் என்பது தெரிய வருகிறது. கங்காதரின் பழைய பார்ட்னர் விஸ்வநாத மூர்த்தியின் பேரில் சந்தேகம் வருகிறது.

இறுதில் கங்காதர் தான் தாமஸ் மூலமாக தேவாவை கொலை செய்ய சொன்னது தெரிய வருகிறது.

மனம் விரும்புதே உன்னை

2008-09-22T14:56:00.003+05:30

கிருத்திகாவை பெண் பார்க்க கிராமத்தான் பரமு வருகிறான். கிருத்திகாவோ முன்பு தன்னை பெண் பார்க்க வந்த துபாய் மாப்பிள்ளை ஜெகனை நினைத்து உருகுகிறாள். பிருந்தா தன் அக்கா கிருதிகாவிற்காக பரமுவை திருமணம் செய்து கொள்கிறாள்.

கிருத்திகா தான் நினைத்தபடியே ஜெகனை திருமணம் செய்து கொள்கிறாள். ஜெகனும் அவளது குடும்பத்தவர்கள் அனைவருக்கும் வெளி நாட்டு பரிசு பொருட்களை அன்பளிப்பாக கொடுத்து தன் வசப்படுதுகிறான். பிருந்தா வசதிகளே இல்லாத தன் புகுந்த வீட்டையும் கிராமத்து கனவையும் வெறுக்கிறாள்.

தன் அக்கா கணவனின் மீது ஆசைப் படுகிறாள். அவனதுகம்பெனியில் வேலைக்கு சேர்கிறாள். இருவரும் சேர்ந்து ஊர் சுற்றுவது கிருத்திகாவிற்கும் பரமுவிற்கும் தெரிய வருகிறது. பிருந்தா தன் கணவனிடம் விவாகரத்து கோருகிறாள். இதற்கிடையில் ஜகன் பொது மக்களை ஏமாற்றி பணம் சேர்ப்பது தெரிய வருகிறது. மேலும் துபாயில் வேலை சிறைதண்டனை பெற்றதும் தெரிய வருகிறது.

இறுதியில் பரமு தன்னுடன் சேர்ந்து வாழுமாறு பிருந்தாவை அழைக்கிறான். ஆனால் பிருந்தா குற்ற உணர்ச்சியால் அதை marukkiraal.

சேது நாட்டு வேங்கை

2008-09-18T10:17:00.003+05:30

காசிக்கு அடுத்து பாவம் போக்கும் புண்ணிய தலமாககருதப்படும் ராமேஸ்வரம் அமைந்திருக்கும் சேது நாட்டைப் பற்றியும் அதனை ஆண்ட கிழவன் சேதுபதியின் வரலாற்றை விளக்கும் நாவல் இது.

தசரதனுக்கு அடுத்தப்படியாக அதிக மனைவிகளை கொண்டிருந்தவர் கிழவன் சேதுபதி. மதுரை நாயக்கர், ஒரு குதிரைக்காரனான ரும்ச்தம்கானின் வஞ்சகப் பிடியில் சிக்குகிறார். இதனால் மதுரை. நகரமே அவனது கட்டுக்குள் வருகிறது. மதுரையின் தளவாய் கோவிந்தப்பைய்யா கிழவனின் உதவியை நாடுகிறார். கிழவன் ரும்ச்தம்கானை கொன்று மதுரையை மீட்டு கொடுக்கிறார். அவருக்கு நாயக்கர் "பரராஜ கேசரி" எனும் பட்டதை அளிக்கிறார். மேலும் குமாரப் பிள்ளையை உயிர்ப்பரிசாக கிழவனுக்கு வழங்குகிறார்.

இராண்டுகளுக்குப் பிறகு மைசூர் தளபதி மதுரையின் மீது படையெடுக்கிறார். நாயக்கரின் மகன் முத்து வீரப்பன் கிழவனிடம் உதவி கேட்க கூடாது என நினைக்கிறான். ஆனால் கிழவன் நாளை வரக் கூடிய பெரிய யுத்தத்தை தவிர்க்க மதுரைக்கு துணையாக போரிட்டு மைசூரை வீழ்த்துகிறார்.

இறுதியில் சொக்கநாத நாயக்கர் கிழவன் செய்த உதவிக்கு நன்றியாக தனது நவரத்ன மோதிரத்தை குமார பிள்ளை மூலம் அவருக்கு அளிக்கிறார்.

அங்கே நான் நலமா?

2008-09-11T18:42:00.006+05:30

நந்த குமார் சினிமா துறையில் தான் ஒரு ஹீரோவாக வர வேண்டுமென்று கனவு காண்கிறான். அதன்படி ஒரு படத்தில் நடிக்க வாய்ப்பு கிடைக்கிறது. அவனது முறைப் பெண் நளினி. நந்தகுமாருக்கு நளினி என்று சின்ன வயதிலே முடிவு செய்யப்பட்டது.

நந்த குமாரின் சினிமா ஆசையால் அவனுக்கு கிடைத்த கவர்மென்ட் வேலையை நிராகரிக்கிறான். அவனது நடவடிக்கை மாறுகிறது. நளினியை உதாசீனப்படுத்துகிறான். ஷூட்டிங்குக்காக ஒரு மாதம் வெளி நாடு செல்ல நேரிடுகிறது. அவனது தாய் நளினியையும் உடன் செல்லுமாறு கூறுகின்றார். ஆனால் அவன் வழியனுப்ப கூட யாரும் வருவதை விரும்பவில்லை.

மேலும் தான் சினிமாவில் தொடர்ந்து நடிக்க போவதாகவும் தனக்கு திருமணம் வேண்டாமென்றும் கூறுகிறான். அதனால் நளினிக்கு வேறு மாப்பிள்ளை பார்க்குமாறும் கூறுகிறான். அதைக் கேட்ட நந்தினி தற்கொலைக்கு முயல்கிறாள். இந்த அதிர்ச்சியில் நந்த குமாரின் தாய் இறந்து விடுகிறாள்.

நந்தகுமார் தன்னுடன் படத்தில் ஹீரோயினாக நடிக்கும் சாருலதாவை திருமணம் செய்து கொண்டதாக போட்டோ எடுத்து ஊருக்கு அனுப்புகிறான். நளினியின் வீட்டாரும் நந்தகுமாரின் அப்பாவும் நளினிக்கு வேறு இடத்தில் மணமுடிக்கின்றனர். அனைவரும் நந்தகுமாரை வெறுக்கின்றனர். நந்தகுமார் அந்த படத்தின் கிளைமாக்ஸ் சீனில் டூப் போடாமல் நெருப்பில் விழுந்து இறக்கிறான்.

தனக்கு வந்த எயிட்ஸ் நோய் யாருக்கும் தெரியக்கூடாது என அனைவரும் வெறுக்கும்படி நடித்த நந்த குமாரை நினைத்து சாருலதா வருந்துகிறாள்.

உயிரில் கலந்த உறவே

2008-09-11T18:12:00.004+05:30

இந்நாவல் திருச்செந்தூரை முக்கிய களமாக கொண்டது. திருச்செந்தூரை பற்றியும் அங்கு குடி கொண்டுள்ள செந்திலாண்டவனைப் பற்றியும் பல அறிய தகவல்களை நாவலாசிரியர் நமக்கு அளித்துள்ளார்.

எழுத்தாளர் சுந்தரமும் மகாதேவனும் நண்பர்கள். சுந்தரம் மகாதேவனின் தங்கை பாரதியை விரும்புகிறார். ஆனால் பாரதியோ பைனான்ஸ் நடத்தும் பெரிய பணக்கரான பாலகோபலின் மகன் மனோகரை விரும்புகிறாள்.

இவர்களது காதல் விவரம் தெரிந்த மனோகரனின் தந்தை வீட்டை விட்டு அனுப்புகிறார். இருவரும் சுந்தரத்திடம் தஞ்சம் புகுகின்றனர். சுந்தரம் மனோகருக்கு ஒரு வேலை வாங்கி கொடுத்து மகாதேவனிடம் பேசி திருமணத்தை முடித்து வைக்கின்றார்.

இந்நிலையில் பாலகோபலின் எதிரி தேனிலவுக்கு கொடைக்கானல் சென்ற மனோகரை கொன்று பழியை அவனது தந்தையின் மீது போடுகிறது. இந்த கதையில் வரும் சாமியார் கூறியதன் பேரில் சுந்தரம் பாரதியை மனம் செய்து கொள்கிறான். மீண்டும் தேனிலவுக்கு கொடைக்கானல் செல்கின்றனர். அங்கு இறந்து விட்டதாக கருதிய மனோகரனை மன நலம் சரியில்லாத நிலையில் சந்திக்கின்றனர்.

கண்ணில் ஒரு மின்னல்

2008-09-10T15:07:00.004+05:30

விஜய், கோடீஸ்வரர் விக்னேஷின் ஒரே பிள்ளை. செல்வ செழிப்பின் காரணமாக தறி கேட்டு போயிருந்தான். அவனுடைய நண்பன் ரமணியின் திருமண அழைப்பிதழில் மணமகள் ஹேமாவின் போட்டோவைப் பார்த்து மயங்கி அவளை அடைய நினைக்கிறான்.

ஹேமா டி.எஸ்.பி துர்க்காவதியின் மகள். துர்க்காவதி தனது நேர்மையான நடவடிக்கையால் நகரில் பல வி.ஐ.பி களுக்கு எதிரியாகிறாள். திருமண அழைப்பிதழ்கொடுக்க சென்ற ஹேமாவை கடத்தி வந்து பலாத்காரம் செய்கிறான். அங்கு நடந்த போராட்டத்தில் ஹேமாவின் தலையில் காயம் ஏற்படுகிறது. அந்நேரத்தில் விஜயின் ஆசை நாயகி ரேகா அங்கு வருகிறாள்.

அவளை சமாளித்து விட்டு ஹேமாவை அப்புறப்படுத்துகிறான். ஹேமாவிற்கு

சிகிச்சையளித்து வீட்டிற்கு அழைத்து வருகிறார்கள். ஹேமா ரமணியிடம் நடந்த அனைத்தையும் கூறி தன்னை நாசம் செய்தவனை கண்டுபிடிக்க உதவி கேட்கிறாள். ரேகா தன்னை திருமணம் செய்து கொள்ளுமாறு விஜயை மிரட்டுகிறாள். இருதியில் ரமணி ஹேமாவை நாசப்படுத்தியது விஜய் என்று கண்டுபிடிக்கிறான். ரேகா விஜயை சுட்டு கொன்றுவிடுகிறாள்.

மல்லிகை மனசு

2008-09-04T14:56:00.006+05:30

கோதாவரி பெங்களூரிலிருந்து தன்னுடைய ஆபிசுக்கு ட்ரான்ஷ்பராகி வந்த காவ்யாவை தன் வீட்டில் தங்க வைக்கிறாள். காவ்யாவின் டைரியில் தனது கணவன் விக்னேஷின் போட்டோவை தற்செயலாக பார்க்கிறாள். காவ்யாவின் மகள் மாதுளா அது தனது டாடி என கூறியதும் அதிர்கிறாள்.

கோதாவரி காவ்யாவிடம் விசாரிக்கிறாள். விக்னேஷ் போலி எம்.பி.ஏ சான்றிதழ் மூலம் பெரிய கம்பெனியில் வேலை பார்க்கிறான். இதனை அறிந்த காவ்யா அந்த வேலையை ராஜினாமா செய்து விட்டு அவனது தகுதிக்கேற்ப ஒரு வேலையை பார்க்க சொல்லுகிறாள். இருவருக்கும் கருத்து வேறுபாடு ஏற்பட்டு பிரிந்து விட்டதாக கூறுகிறாள். கோதாவரி விக்னேஷ் தனக்கும் கணவன் என்று கூறுகிறாள்.

கோதாவரி தன்னுடைய அம்மா அனுமதிக்கப்பட்டிருந்த ஆஸ்பத்திரியில் முதன் முதலாக விக்னேஷை சந்திக்கிறாள். அவனுடைய நல்ல குணத்திற்காக ஒரு கம்பெனியில் வேலைக்கு சிபாரிசு செய்கிறாள். பிறகு இருவரும் திருமணம் செய்து கொள்கின்றனர். ஆபீஸில் பில்லை பாஸ் செய்ய லஞ்சம் வாங்குகிறான். அந்த பணம் கள்ள நோட்டு எனத் தெரிந்து விக்னேஷ் வேலைக்கு ஆபத்து வருகிறது.

அவனது ஜி.எம், விக்னேஷின் மனைவி தனது ஆசைக்கு இணங்கினால் இந்த பிரச்சினையிலிருந்து அவனை காப்பாற்றுவதாக கூறுகிறான் அதன்படி ஒருநாள் கோதாவரிக்கு பாலில் தூக்க மாத்திரை கலந்து கொடுக்கிறான். அவன் மீது சந்தேகம் கொண்ட கோதாவரி அந்த பாலை அருந்தாமல் நடிக்கிறாள். பின் அங்கு வந்த ஜி.எம்முடன் நடந்த போராட்டத்தில் அவரை தள்ளி விடுகிறாள். அவர் தலையில் அடிபட்டு இறந்து விடுகிறார்.

கோதாவரி சிறை தண்டனை பெற்று திரும்பியதும் விகேஷ் தனக்கு எழுதிய கடிதத்தை படிக்கிறாள். அதில் அவன் தனக்கு மன்னிப்பே கிடையாதெனவும் அவள் கண்ணில் படாமல் எங்கோ செல்வதாக எழுதி இருந்தான். கோதாவரி காவ்யா மற்றும் மாதுளா மூவரும் ஒரே வீட்டில் வசிக்கின்றனர்.

என் மனைவி

2008-09-01T18:02:00.004+05:30

டாக்டர் ராம் பிரகாஷ் - வத்சலா திருமணம் விமரிசையாக நடக்கிறது. ராம் பிரகாஷிடம் ராஜாராமன் வத்சலா தன்னுடைய மனைவி என்று தன் திருமண அழைப்பிதழை காட்டுகிறான். ராம் பிரகாஷ் அவனை தனது வீட்டிற்கு வரச் சொல்லுகிறான். வத்சலாவோ அவனை முன்பின் அறியாதவளாக பழகுகிறாள். இருவரும் வத்சலாவின் பெற்றோரிடம் செல்கின்றனர்.

வத்சலாவின் பெற்றோர் ராஜாராமன்-வத்சலா திருமண நிச்சயத்திற்கு பின் நடந்த விபத்தில் அவளுக்கு தலையில் அடி பட்டு பழைய நினைவுகள் மறந்து விட்டது என கூறுகிறார்கள். ராஜாராமன் தான் வத்சலாவின் வாழ்க்கையிலிருந்து விலகி செல்ல ரூ. இருபதாயிரம் வேண்டும் என கூறுகிறான்.

அட்வான்சாக ரூ. ஆயிரம் வாங்கி கொள்கிறான். மீதியை அவன் தங்கியிருக்கும் ஹோட்டலில் கொண்டு வந்து கொடுக்குமாறு ராம் பிரகாஷிடம் கூறுகிறான். மறு நாள் ராம் பிரகாஷ் ஹோட்டலுக்கு சென்ற போது ராஜா ராமன் அங்கு கொலை செய்யப்பட்டிருந்தான்.

அப்போது அங்கு ரூமை காலி செய்வதாக பிள்ளை செட்டில் செய்து கொண்டிருந்தான். அவன் கொடுத்த நூறு ரூபாய் நோட்டின் வெள்ளை பக்கத்தில் ராம் பிரகாஷ் வத்சலா திருமணத்திற்கு வாழ்த்து சொல்லி எழுதி இருந்தது. அது ராம் பிரகாஷ் ராஜா ராமனுக்கு கொடுத்த ரூபாய் நோட்டுகளில் ஒன்று. பணத்துக்காக அவன் ராஜாராமனை கொலை செய்தது தெரிய வந்தது.

உத்தம திருடி

2008-08-29T15:35:00.005+05:30

ராகினி, சீதா, மல்லிகா மற்றும் ரேவதி ஆகியோர் நெருக்கமான தோழிகள். இதில் ராகினி அந்த ஊரின் பண்ணையார் மகள். சீதா கணக்கு பிள்ளையின் மகள். சீதா ராகினியின் அண்ணன் விஜயனை காதலிக்கிறாள். மல்லிகா மற்றும் ரேவதியும் அவன் மீது ஒரு கண் வைத்துள்ளனர்.

இதனையறிந்த ராகினியின் தாய் தேவகியம்மாள்விஜயனுக்கு தன் அண்ணன் மகளை மணமுடிக்க எண்ணுகிறாள். ராகினி தன் உயிரை கொடுத்தேனும் சீதாவுக்கு தன் அண்ணனை மணமுடிப்பதாக கூறுகிறாள்.

சீதாவின் தந்தை அவளுக்கு தன் நண்பனின் மகனான பிரசாத்தை மணம் முடிக்க எண்ணுகிறார். சீதா பிரசாத்திடமே அவனை பிடிக்கவில்லை என்று கூறுகிறாள். திருவிழா பார்க்க சென்ற ராகினி மற்றும் சீதாவை பிரசாத்தின் நண்பர்கள் கடத்தி செல்கின்றனர்.

இரு தினங்களுக்குப் பிறகு ராகினி மற்றும் சீதாவை உயிருக்கு போராடும் நிலையில் கண்டுபிடித்து ஆஸ்பத்திரியில் அனுமதிக்கின்றனர். ராகினியை சிதைக்கப்பட்டிருப்பது தெரிய வருகிறது. ராகினி இறந்து விடுகிறாள். ராகினியின் நிலை தான் சீதாவும் அடைந்திருப்பாள் எனக் கருதி சீதாவுக்கு வால்வளிக்கிறான் விஜயன்.

காதல் ரேகை

2008-08-29T15:18:00.003+05:30

பிரேம் வெங்கட் இருவரும் கல்லூரி நண்பர்கள். பிரேம் சினிமா மியூசிக் டைரக்டரின் ஒரே மகன். அவன் தனக்கு வரும் மனைவி நன்கு பாட தெரிந்தவளாக இருக்க வேண்டுமென்று எதிர்பார்க்கிறான். வெங்கட்டின் தங்கை பிரியா பிரேமை ஒரு தலையாக காதலிக்கிறாள்.

வெங்கட்டின் தந்தை தனது சகோதரி மகள் சுருதியை மிகப் பெரிய பாடகியாக்க வேண்டுமென்று சென்னை கூட்டிக் கொண்டு வருகிறார். வெங்கட்டும் அவனது முறைபெண் சுருதியும் ஒருவரையொருவர் காதலிக்கின்றனர். இது தெரியாத பிரேம் தன் சுருதியை காதலிப்பதாக வெங்கட்டிடம் கூறுகிறான். வெங்கட்டும் சுருதியின் குடும்பத்தின் நலன் கருதி தன் காதலை தியாகம் செய்ய எண்ணுகிறான்.
பிரேம் தன் அம்மாவின் மூலம் பிரியா தன்ன காதலிப்பதை அறிந்து அவளையே கரம் பிடிக்கிறான்.

பேராசைகள்

2008-08-28T19:01:00.005+05:30

யஷ்வந்த் குமார், சேவியர் மற்றும் ஜக்ருதீன் மூவரும் சேர்ந்து எக்ஸ் ஒய் இசட் எனும் நிறுவனத்தை நடத்துகிறார்கள். அதன் படி தங்களிடம் வரும் வாடிக்கையாளர்களின் பிரச்சனைகளை தீர்த்து வைத்து அதன் படி பீசை வாங்கி கொள்வர்.
மனோகரனின் அத்தை ஜெயம்மாள் பெரிய கோடீஸ்வரி. அவள் சாலையோரம் பாட்டு பாடும்சுகுணாவின் குரலுக்கு மயங்கி வீட்டிற்கே அழைத்து வருகிறாள். அத்தை த்தை சுகுணாவின் பெயருக்கு எழுதி வைத்து விடுவார்களோ என பயந்து எக்ஸ் ஒய் இசடை அணுகுகிறான். அவர்கள் சொத்தில் பத்து பெர்சன்ட் பீசாக கேட்கின்றனர்.
திட்டப்படி சுகுணாவைதிருட்டு குற்றத்திற்காக அழைத்து செல்வதாக மூவரும் மாறு வேடத்தில் அழைத்து செல்கின்றனர். அவளை கெடுத்து கொலை செய்து விடுகின்றனர். அந்த அதிர்ச்சியில் ஜெயம்மல் இறந்து விடுகிறாள். விவேக் எந்த கொலையை விசாரிக்கிறான்.
யஷ்வந்த் குமார் ஜக்ருதீன் இருவரும் வழக்கப்படி சேவியரை அலுவலகத்திற்கு அழைத்து செல்ல வருகின்றனர். ஆனால் சேவியர் கொலை செய்யப் பட்டிருக்கிறான். ஜக்ருதீனுக்கும் கொலை மிரட்டல் வருகிறது. பின் அவனும் கொலை செய்யப்படுகிறான். யஷ்வந்த் குமாரின் காரில் இன்ச்பெச்டரக மறு வேடம் போட்ட யஷ்வந்த் குமாரின் நேம் பேட்ஜை கைப்பற்றுகிறான் விவேக். மேலும் கொலை செய்து விட்டு தப்பிய யஷ்வந்த் குமாரின் செருப்பின் அடிப்பாகக் பகுதி ஜக்ருத்டின் வீட்டு காம்பவுண்ட் பகுதியில் கிடக்கிறது. மனோகரநிடமிருந்து வாங்கும் பீசை தானே கைப்பற்ற மாற்ற இருவரையும் கொலை செய்ததாக யஷ்வந்த் குமார் ஒப்புக் கொள்கிறான்.

ஆயுள் ஆயிரம் நாள்

2008-08-28T18:21:00.005+05:30

எம்.எல்.ஏ ராஜரத்தினத்திற்கு ஒரு மிரட்டல் கடிதம் வருகிறது. அதில் அவருக்கு ஆயுள் இன்னும்ஆயிரம் நாள்கள் மட்டுமே என்றும் அதற்குள் அவர் கொல்லப்படுவார் என்றும் எழுதி இருக்கிறது. இன்ஸ்பெக்டர் கனகராஜ் கடிதம் எழுதியவரை கண்டுபிடிப்பதாக கூறுகிறார்.

குமார் மிகவும் நேர்மையான பேர்வழி. அவனை காதலிப்பதாக கூறும் சந்தியா ஒரு நிதி நிறுவனத்தில் வேலை வாங்கி தருகிறாள். பின் இருவரும் திருமணம் செய்து கொள்கின்றனர். குமாரை ராஜா ரத்தினத்தை கொலை செய்யும் கருவியாக்க சந்தியாவும் சேது ராமும் திட்டமிடுகின்றனர்.

ராஜரத்னம் கொலை செய்யப்பட்டிருப்பதாக தகவல் கிடைத்ததும் சம்பவ இடத்திற்கு இன்ஸ்பெக்டரும் ராஜரத்னதின் பி.ஏ வான பிரசாத்தும் செல்கின்றனர். கொலை நடந்த இடத்தில் இருந்த குமாரையும் சந்தியாவையும் விசாரிக்கின்றனர். குமார் தான் அந்த கொலையை செய்ய வில்லை என கூறுகிறான். இன்ஸ்பெக்டருக்கு சந்தியாவின் மீது சந்தேகம் வருகிறது.

இறுதியில் ராஜரத்னதின் பி. ஏ பிரசாத் தான் கொலையை என்று கண்டுபிடிக்கிறார். அவன் கொலையை செய்து விட்டு வென்டிலேட்டர் வழியாக தப்பி செல்லும் முன் அவனுடைய சட்டையின் நூல் அதில் மாட்டிக் கொண்டு இருந்தது.

உன் பார்வை நான் அறிவேன்

2008-08-27T18:59:00.004+05:30

ஆறு கல்லூரி மனைவிகளை கடத்தி கற்பழித்து கொன்றவர்களில் ஒருவனான விசாரணை கைதி கௌதம் சிறையில் தற்கொலை செய்து கொள்கிறான். இவ்வழக்கை விசாரிக்கிறார் க்ரைம் பிராஞ்ச் இன்ஸ்பெக்டர் இன்பாசாகர் . காவல் துறை அமைச்சர் திருமலை சாமிக்கு பதவி விலகுமாறு ஒரு மிரட்டல் கடிதம் வருகிறது.

அமைச்சருக்கு பாதுகாப்பு ஏற்பாடுகளை செய்கிறார் இன்பாசகர். ஆயினும் அமைச்சர் மூளை நரம்புகள் பாதிக்கப் பட்டு ஜடமாகிறார். அமலானந்த சுவாமிகளுக்கும் இது போல ஒரு மிரட்டல் கடிதம் வருகிறது. இன்பாசாகர் சுவாமிகளின் ஆசிரமத்திற்கு சென்று விசாரிக்கிறார். பின் அங்கு குண்டு வெடிப்பு நிகழ்கிறது.

மேலிட பிரஷரின் காரணமாக இவ்வழக்கு சி.பி.ஐ க்கு மாற்றப்படுகிறது. இன்பசாகர் சி.பி.ஐ. ஆபிசர் முன்ஷியை கடத்தி செல்கிறார். ஆறு பேரில் ஒருவராக தன்னுடைய காதலி பிரபாவையும் கடத்தி சென்று கற்பழித்து கொன்றதற்காக அதற்கு தொடர்புடைய அமைச்சர் மற்றும் சுவாமிகளையும் தான் தான் கொன்றதாக இன்பசாகர் கூறுகிறார். மேலும் இவ்வழக்கில் தொடர்புடையவர்களின் பெயர் விவரங்களை முன்ஷியிடமிருந்து பெறுகிறார் இன்பசாகர்.

இது தான் சொர்க்கம்

2008-08-27T18:44:00.003+05:30

உதய குமார் மற்றும் வித்யா தங்களுடைய திருமண நாளை முன்னிட்டு கடைக்கு சென்று பட்டு சேலை வாங்கி கொண்டு வீட்டுக்கு திரும்புகின்றனர். வீட்டு கதவு திறக்கப்படிருக்கிறது. உள்ளே பாத் ரூமில் ஒரு பெண்ணின் பிணம் இருப்பதை கண்டு அதிர்ச்சி அடைகின்றனர். அப்பிணத்தை அப்புறப்படுத்த நினைக்கிறார்கள்.

இதை கண்டு பிடித்த இன்ஸ்பெக்டர் அவர்களை மிரட்டுகிறார். மர்ம மனிதன் ஒருவனும் அவர்கள் பிணத்தை அப்புறப்படுத்தியதை போட்டோ எடுத்துள்ளதாக பணம் கேட்டு மிரட்டுகிறான். இருவரும் தற்கொலை செய்து கொள்ள நினைக்கிறார்கள். அதன் படி இருவரும் தனித்தனியாக கடிதம் எழுதி வைத்துவிட்டு விஷம் அருந்துகிறார்கள். இது அனைத்தும் உதய குமாரின் நாடகம் என்பதை அறியாத வித்யா இறந்து விடுகிறாள். மூன்று மாதங்கள் கழித்து உதய குமார் பிணமாக நடித்த தனது காதலி வனிதா ராணியை திருமணம் செய்து கொள்ளுகிறான்.

வனிதா விட்த்யவின் போட்டோ வீட்டில் இருக்க கூடாது என்று சண்டை போடுகிறாள். கோபத்தில் உதய குமார் வந்தவை அடித்து விடுகிறான். முன் பகையின் காரணமாக அவன் வீட்டில் வேலை பார்த்த வாட்ச் மென் வனிதா ராணியை கொலை செய்கிறான். பழி உதய குமாரின் மீது விழுகிறது.

விலகு விபரீதம்

2008-08-26T18:26:00.004+05:30

ராதிகா ராம்ஜே நிதி நிறுவனத்தில் வேலை பார்க்கிறாள். அகமது எனும் வாலிபரை காதலிக்கிறாள். ஒரு நாள் மதியம் அவளது அப்பா ஆசிரியர் சிவசாமி அவளை பெண் பார்க்க மாலை மாப்பிள்ளை வீட்டார் வருவதால் சீக்கிரம் வருமாறு கூறுகிறார். ஆனால் அன்று ராதிகா வீடு திரும்பவில்லை.

நகரில் அடிக்கடி வழிப்பறி நடக்கிறது. அதனை கண்டித்து முன்னால் எம்.எல்.ஏ ரவீந்திரன் உண்ணாவிரதம் இருக்கிறார். சப். இன்ஸ்பெக்டர் ஜார்ஜ் ராதிகாவுடன் வேலை பார்த்த உஷாவை விசாரிக்கிறார்.அவள் கூறியதன் பேரில் ரெக்கார்ட் ரூமில் பார்க்கிறர்கள். ராதிகாவுடன் ஒரு வாலிபரும் இறந்து கிடக்கிறான். அந்த இளைஞன் திருவனந்தபுரத்தை சேர்ந்தவன் என்றும் பணம் டெபாசிட் செய்ய அந்நிறுவனத்திற்கு வந்திருந்தான் என்றும் தெரிந்தது.

ராதிகா இறந்ததை அறிந்த அஹ்மதும் தற்கொலை செய்ய நினைக்கிறான். ராதிகாவையும் நாராயணனையும் கொன்ற வழிப்பறி திருடர்கள் பேசுவதை தற்செயலாக கேட்கிறான். இதற்கு மூல காரணம் முன்னால் எம்.எல்.ஏ ரவீந்திரன் என்பதையறிந்து அவரை கொன்று விட்டு தானும் தற்கொலை செய்து கொள்ளுகிறான்.

ராஜசிம்மன்

2008-08-25T17:59:00.002+05:30

வாதாபி மன்னன் புலிகேசியின் வம்சாவளியான பரகேசி, பல்லவ நாட்டை பழி வாங்க எண்ணுகிறான். அதற்காக காபாலிக வேஷம் போடுகிறான். பல்லவ மன்னன் பரமேசுவர்மனின் மகன் ராஜசிம்மன் அதிரண சண்டேசுவரனாக மாறுவேடம் பூண்டு அவன் திட்டத்தை முறியடிக்கிறான். சிற்பி பொற்சிலையாரின் மகள் பாதகையும் ராஜசிம்மனும் ஒருவரையொருவர் விரும்புவதையறிந்த மன்னன் இருவருக்கும் மணம் முடித்து ராஜசிம்மனுக்கு இளவரசு பட்டம் சூட்டுகிறார். ராஜசிம்மன் வீழ்த்திய பரகேசியின் மண்டை ஓட்டினையும் முன் கை எலும்பையும் கொண்டு உருவாக்கிய கட்டு வாங்கத்தை வீர சின்னமாக அறிவிக்கிறார்.

வைகறை நிழல்கள்

2008-08-25T17:45:00.004+05:30

பரணி தனது பார்ட்னர் கருணாகரனுடன் சேர்ந்து பிஸ்னஸ் செய்கிறான். தனது குடும்ப டாக்டர் பஞ்சவர்ணத்திடம் அவரது நர்சிங் ஹோமில் ரெண்டு மாதம் அசைய முடியாத பேஷண்டாக தான் தங்க அனுமதிக்க வேண்டுமென்றும் அதற்குப் பதிலாக ரெண்டு லட்சம் ரூபாய் தருவதாக கூறுகிறான்.

அவ்வாறு தங்கும் போது தன்னுடைய விரோதிகளான வருமான வரி அதிகாரி அகர்வால், நடிகை சுனந்தா மற்றும் ஆடிட்டர் தேவ ராஜ் ஆகியோரை தீர்த்து கட்ட திட்டமிடுகிறான். திட்டமிட்டப்படி ஆஸ்பிட்டலில் அனுமதிக்கப்படுகிறான்.

ஒரு நாள் நள்ளிரவு அகர்வாலை கொள்ள அவர் வீட்டுக்கு செல்கிறான். ஆனால் அதற்கு முன் அவர் கொல்லப்பட்டிருக்கிறார். அதிர்ச்சியுடன் ஆஸ்பத்திரிக்கு வருகிறான். இரு நாள் கழித்து நடிகை சுனந்தவை செல்கிறான். பரணி ரோட்டில் கொல்லப்பட்டு கிடக்கிறான். பரணியின் திட்டத்துக்கு உடந்தையாக இருந்ததால் டாக்டர் கைது செய்யப்படுகிறார். பரணியின் கொலையை விசாரிக்க விவேக் அவன் வீட்டுக்கு செல்கிறான். வீட்டில் டெலிபோன் டைரக்டரியில் சங்கேத குரியிட்டிலிருந்த நம்பெரை வைத்து குற்றவாளியை கண்டு பிடிக்கிறான். குற்றவாளி பரணி மனைவி கிருபாவின் காதலன்.

ஒளிவதற்கு இடமில்லை

2008-08-20T18:47:00.006+05:30

ரேணுகா தன் வீட்டில் நடக்கும் குழப்பங்களுக்கு விடை காண ரமணனின்உதவியை கோருகிறாள். ஆனால் ரமணன் அல்ல நஞ்சுண்டன் என்பது அவளுக்கு தெரியாது.

ரேணுகாவின் அக்கா சுகுமாரிக்கு டாக்டர் பாலச்சந்தரிடம் செய்து கொண்ட டான்சில் ஆபரேசனால் குரல் வளம் பாதிக்கப்பட்டிருக்கிறாள். டாக்டர் நாமகிரி ரேணுகாவின் தந்தை குழந்தை பாண்டியனின் பாரிச நோய்க்கு வைத்தியம் பார்க்கிறார். இவரது சொந்த ஊரான பாபநாசத்தை சேர்ந்த மைனர் சகோதரர்கள் தங்கள் குடும்ப சொத்தான வைர முருகனை குழந்தை பாண்டியனிடம் கொடுத்து வைத்துள்ளனர்.

சுகுமாரி கொலை செய்யப்படுகிறாள். பழி டாக்டர் பாலச்சந்தரின் மீது விழுகிறது. நஞ்சுண்டன் வைர முருகனை அபகரிக்க எண்ணுகிறான். ஒரு சீன கும்பலும் நஞ்சுண்டன் மூலமாக வைர முருகனை கைப்பற்ற எண்ணுகிறது. மைனர் சகோதரர்கள் குழந்தை பாண்டியனின் ஆலோசனைப்படி அவர்களது சகோதரியான டாக்டர். நாமகிரியிடம் ஒப்படைக்கின்றனர். நஞ்சுண்டன் வைர முருகனை கைப்பற்றி பதிலாக போலி வைர முருகனை ரமணன் வீட்டில் வைக்கிறான்.

இறுதியில் ரமணன் சுகுமாரியை கொலை செய்தது மற்றும் வைர முருகனை கைப்பற்றியது நஞ்சுண்டன் என்பதை அனைவருக்கும் நிருபிக்கிறார். வைர முருகனை குறிப்பிட்ட கோணத்தில் பார்க்கும்போது கண் பார்வை பாதிக்கும் என்பதை அறியாத நஞ்சுண்டனின் கண் பாதிக்கப்பட்டு மேலிருந்து கீழே விழுந்து இறக்கிறான்.

தீப்பிடித்த தென்றல்

2008-08-19T07:04:00.007+05:30

சிவகாமி தன் மகள் இதயாவிற்கு திருமணத்திற்கு வரன் பார்க்கிறாள். இதய தன் தாய் யாரை பார்த்து செலக்ட் செய்தாலும் ஓகே என்று கூறுகிறாள். ஆனால் இதயா தினேஷை காதலிக்கிறாள்.
சிவகாமி இறந்து போன தன் கணவனின் பதப்படுத்தப்பட்ட கண்களின் முன்பு சீட்டு குலுக்கி போட்டு மோகன் பிரசாத் எனும் டாக்டர் மாப்பிள்ளையை தேர்ந்தெடுக்கிறாள்.
ஜெயச்சந்திரன் அலுவலக வேலையாக ஹைதராபாத்திற்கு புறப்படுகிறான். ஜமுனா எனும் பெண்ணை கொலை செய்தான் என்று போலீசார் அவனை கைது செய்கின்றனர். ஜெயச்சந்திரன் செய்யாத கொலையை செய்ததாக ஒப்புக்கொள்ளுமாறு வற்புறுத்துகின்றனர். அவ்வாறு ஒத்துக்கொள்ளவிடில் அவனது மனைவி மற்றும் தங்கைக்கு வேறு விதமான கஷ்டங்கள் அனுபவிக்க வேண்டியது வரும் என்று போலீசார் மிரட்டுகின்றனர்.
இதயா தன் தந்தையின் கண்கள் மிதக்கும் அமில ஜாடியில் கருஞ்சிவப்பு நிற தீற்றளினை சுரண்டி எடுத்து சோதனைக்கு அனுப்புகிறாள். இதயா, தினேஷை விரும்புவதை தெரிந்த சிவகாமி தன் மகளின் திருமண ஏற்பாடுகளை துரிதப்படுத்துகிறாள். இருவரும் பதிவு திருமணம் செய்ய முடிவெடுக்கின்றனர். பரிசோதனையில் அது ரத்தம் மற்றும் எ.பி நெகடிவ் குரூப் என தெரிய வருகிறது.
ஜெயச்சந்திரன் போலீசின் மிரட்டலுக்கு பயந்து கொலை செய்ததாக ஸ்டேட்மென்ட் தர சம்மதிக்கிறான். பின் இன்ஸ்பெக்டரை தாக்கி விட்டு தப்பி செல்கிறான். டாக்டர்களான நறுமுகை மற்றும் அவளது அப்பா சண்முகராஜ் இருவரும் தலையில் அடிபட்ட அவனை காப்பாற்ற முயலுகின்றனர்.
இதயா தன் அம்மாவுக்கு தெரியாமல் வீட்டிலிருந்து கிளம்புகிறாள். ஆனால் தினேஷ் வரவில்லை. அவளது அம்மா மோகன் பிரசாத்தை தான் திருமணம் செய்ய வேண்டுமென்று வற்புறுத்துகிறாள். இதயா சோதனைக்கு கொடுத்த ரத்தத்தை பற்றி போலீஸ் விசாரிக்கிறது.
சட்ட விரோதமாக வீட்டில் வைத்துள்ள தனது அப்பாவின் கண்களை அப்புறப்படுத்த படப்பையிலுள்ள கெஸ்ட் ஹவுஸ் செல்லுகிறாள். மோகன் பிரசாத் அவளை பின் தொடர்கிறான். ஆனால் அந்த கண்ணாடி ஜாடி காணாமல் போய் விடுகிறது. இதயா கண்ணாடி பாட்டிலை எடுத்து சென்றவளை கண்டுபிடிக்க முயலுகின்றாள். மோகன் பிரசாத் அவளுக்கு உதவுகிறான்.
தமிழரசி தான் ஒரு நிருபர் எனக் கூறி வல்லப் என்பவனுடன் ஜெயச்சந்திரன் அனுமதிக்கப்பட்டுள்ள ஆஸ்பத்திரிக்கு சென்று அவனை கொலை செய்ய முயலுகின்றனர். அந்த போராட்டத்தில் ஜெயச்சந்திரன் மார்பில் குண்டு பாய்ந்து கட்டத்தில் இருக்கிறான். சாகும் முன் தன் மனைவி மற்றும் தங்கையை பார்க்க நினைக்கிறான். அவர்கள் வருமுன் இறந்துவிடுகிறான். சுந்தரி நறுமுகையிடம் தன் கணவனின் கண்கள் தனக்கு வேண்டுமென்று கேட்கிறாள். அவனது இரு கிட்னியும் வேதவல்லி, தியாகராஜன் இருவருக்கும் பொருத்தப்படுகிறது.
தினேஷ் தான் கடத்தப்பட்டுள்ளதாக இதயாவினை தொடர்பு கொண்டு கூறுகிறான். கண்ணாடி பாட்டிலை எடுத்து சென்ற வேதவல்லி இதயாவையும் தன் வீட்டிற்கு அழைத்து வருகிறாள். அவளது தந்தை ஜெயச்சந்திரன் இறக்க காரணமாயிருந்ததினேஷின் தந்தை எனவும் அவருக்கு அஹிம்சா முறையில் தண்டனை கொடுத்து வருவதாகவும் கூறுகிறாள்.

ஸ் ஸ் ஸ்...

2008-08-19T06:44:00.004+05:30

வெங்கடாஜலபதி கவுண்டர் அரிசி மில் கட்டுவதற்காக ஒரு தென்னந்தோப்பை வாங்குகிறார். தோப்பின் நடுவில் ஒரு பாம்பு புற்று உள்ளது. அதனை இடிக்க வேண்டாமென்றுஅனைவரும் எச்சரிக்கின்றனர்.
ஆனால் அவரது மகன் ராஜ்குமார் அதனை அலட்சியம் செய்து புற்றினை இடிக்க ஏற்பாடு செய்கிறான். புற்றின் அருகே பிச்சைக்கார தோற்றமுடைய ஒருவன் வசிக்கிறான்.
ராஜ்குமார் ஒரு விபத்தில் ஆஸ்பத்திரியில் அனுமதிக்கப்படுகிறான். ஆஸ்பத்திரிக்கும் அந்த பாம்பு வந்து மிரட்டுகிறது. பிச்சைக்கார சாமியாரின் உதவியால் பாம்பு அங்கிருந்து அப்புறப்படுத்த படுகிறது. அங்கிருந்த போலீஸ்காரர் அவரை சந்தேகிக்கிறார்.
அன்றிரவு சிறையிலிருந்து வெளியே வந்த ராஜேந்தர் மற்றும் பிச்சைக்கார வேடத்திலிருக்கும் கோசல் ராம் இருவரும் அந்த பாம்பு புற்றில் மறைத்து வைத்திருக்கும் நாராயண விக்கிரகத்தை எடுக்க முயலுகின்றனர். அவர்களை போலீசார் சுற்றி வளைக்கின்றனர்.

சொல்வதை செய்

2008-08-06T07:49:00.009+05:30

அகிலா-கோகுல் தம்பதிக்கு திருமணமாகி பத்து வருடங்களாகின்றன.இன்னும் குழந்தை இல்லை. ஜோசியர் ஒருவர் கூறியபடி ராமேஸ்வரம் செல்ல முடிவெடுக்கின்றனர். கடந்த நான்கு தினங்களாக லட்சத்து பத்தாயிரம் எனும் வார்த்தை அடிக்கடி கோகுலின் காதில் விழுகிறது.

ராமேஸ்வரம் சென்று திரும்பியதும் அவர்களது வீட்டில் திருடு போய் உள்ளதை அறிகிறார்கள். போலீஸ் ஸ்டேஷனில் புகார் கொடுக்கின்றனர். திருடு போன பொருட்களின் மொத்த மதிப்பு சுமார் லட்சத்து பத்தாயிரம் ரூபாய். மேலும் இரு தினங்களாக ஐந்து லட்சம் எனும் வார்த்தை அடிக்கடி விழுவதை எண்ணி அதிர்ச்சி அடைகிறான்.

கோகுல் மறைந்த தனது நண்பன் சங்கரனின் மகன் பாலுவை கோவிலில் சந்திக்கிறான். கோகுல் சங்கரன் இறக்கும் முன் அவனிடம் வாங்கிய ஐம்பதாயிரம் ரூபாயை இன்றைய வங்கி மதிப்பிற்கு ரூபாய் லட்சத்து பத்தாயிரமாக பாலுவிடம் கொடுக்கிறான். கோகுல் சங்கரா லாட்டரியில் முன்பு வாங்கிய லாட்டரி சீட்டுக்கு இவன் பங்கிற்கு ரூபாய் ஐந்து லட்சம் கிடைக்கிறது.

காண்பெதெல்லாம் உண்மை

2008-08-05T10:43:00.006+05:30

இச்சாதாரி எனும் பாம்பை மையமாக கொண்ட கதை இது. கதையில் தீர்த்த மலை கவுண்டர் காட்டில் வேட்டைக்கு சென்ற போது இச்சாதாரி பாம்புகளில் ஒன்றை சுட்டு கொன்றார்.

அன்றே பாம்பு கடித்து இறந்தார். அதன் பின் வரிசையாக அவரது மனைவி, மூத்தமகனது குடும்பம் மற்றும் இளைய மகன் திருப்பதி சாமி கவுண்டரின் மூத்த மகன் அவினாசிலிங்கம் என அனைவரையும் பாம்பு கடித்து கொன்றிருந்தது.

திருப்பதி சாமி கவுண்டரின் குடும்ப வைத்தியர் மாசிலாமணி, நாக மாணிக்க மோதிரம் அணிந்து கொண்டால் இச்சாதாரி நெருங்காது. தானே அதை செய்து தருவதாக கூறுகிறார். அதன் படி வண்ண முத்து என்பவனின் உதவியுடன் அதனை திருப்பதி சாமி கவுண்டரின் மகன் நாகராஜுக்கு கொடுக்கிறார். பதிலாக கவுண்டர் சொத்தில் பாதியை கேட்கிறார்.

நாகராஜ் வைத்தியரை சந்தேகிக்கிறான். பார்த்திபன் என்பவன் தனது உருவமெடுத்து சென்ற இச்சாதாரி அவினாசிளிங்கத்தை கடித்ததன் விவரமறிய அக்கிராமத்துக்கு வருகிறான். ஜெயந்தன் எனும் நிருபரும் இச்சம்பவங்களின் உண்மையை கண்டறிய வருகிறான்.

ஜெயந்தன் மற்றும் வைத்தியர் இருவரும் ஒருவரையொருவர் சந்தேகிக்கின்றனர். இறுதியில் ஷியான் எனும் சீனக்காரரின் உருவில் வந்த அந்த பாம்பு நாகராஜை கொன்று அவனது உருவெடுக்கிறது.

காதலால் தவிக்கின்றேன்

2008-07-31T18:46:00.006+05:30

கணவனை இழந்த புஷ்பா தன் மகள் மஞ்சுளாவை செல்லமாக வளர்க்கிறாள். டெலிபோன் டிரெக்டரியில் உள்ள ஏதேனும் நம்பருக்கு டயல் செய்து குறும்பாக பேசுவது அவளது விளையாட்டு. டாக்டர். பிரபாகர் அவளது மாமா மகன். இருவரும் ஒருவரையொருவர் விரும்பினர்.

பிரபாகரனது மற்றொரு முறை பெண்ணான சியாமளாவும் அவனை விரும்பினாள். மஞ்சு விளையாட்டாக சக்தி என்பவனுக்கு போன் செய்து குறும்பாக பேசினாள். அவன் அவளது நம்பரை கண்டறிந்து தொல்லை கொடுத்தான். மேலும் பிரபாகரனிடம் மஞ்சுவை பற்றி தவறாக கூறினான். அவள் ஓரிருமுறை அபார்ஷன் செய்து கொண்டாள் எனவும் கூறினான்.

உண்மையை உணராத பிரபாகர் தன் அம்மாவின் விருப்பப்படி சியாமளாவை மணந்து கொண்டான். சக்தியின் சூழ்ச்சியால் அவளது அம்மாவும் அவளை தவறாக புரிந்து கொண்டாள். தாயின் மறைவுக்கு பிறகு ஒரு வெடி குண்டு விபத்தில் மஞ்சு மரணமடைகிறாள். போஸ்ட் மார்டத்திற்காக பிரபாகர் வேலை செய்யும் ஆஸ்பத்திரியில் அனுமதிக்கப்படுகிறாள். போஸ்ட் மார்ட அறிக்கையில் மஞ்சு கன்னி தன்மை மிக்கவள் என்பதை கண்டு தன் தவறை எண்ணி வருந்துகிறான். தன்னுடைய மகளுக்கு மஞ்சு என பெயரிடுகிறான்.

மன்னிக்க மாட்டாயா? ஆர்.மணிமாலா

2008-07-29T09:58:00.004+05:30

நாயகி நந்தினி பெற்றவர்களை எதிர்த்து தான் காதலித்த சந்துருவை கைபிடிக்கிறாள். விளைவு அந்த அதிர்ச்சியில் அவளது தந்தை இறந்து விடுகிறார்.
இது தெரியாத நந்தினி திருமண வாழ்கையின் மகிழ்ச்சியில் திளைத்து கொண்டிருக்கிறாள்.
விதியின் வலியால் இரண்டு ஆண்டுகளில் சந்துரு விபத்தில் இறந்து விடுகிறான்.அந்த அதிர்ச்சியில் அவளது கருவும் கலைந்து விடுகிறது. கணவனின் கடைசி ஆசையாக நந்தினி தனது மங்கலத்தை துறக்காமல் இருக்கிறாள்.
தன் அப்பா இறந்தது தெரிந்து துயருருகிறாள். அவளை குடும்பமே வெறுத்து ஒதுக்குகிறது. அம்மாவின் அன்புக்கு ஏங்குகிறாள். அவளை பற்றி தெரியாமல் அவளது குடும்பமும் ஊராரும் தவறாக நினைக்கிறார்கள். உறவினரின் வீட்டில் வாடகைக்கு தங்கி வேலைக்கு செல்கிறாள்.
இறுதியில் அவளுக்கு இதய நோய் ஏற்படுகிறது. நந்தினியின் மரண விளிம்பில் அவளது தாய்க்கு உண்மை தெரிந்து மகளை காண வருகிறாள். தாயின் மடியிலேயே அவளது உயிர் பிரிகிறது.

மலரே மௌனமா? - ஆர். மணிமாலா

2008-07-28T18:30:00.002+05:30

இந்த கதையின் நாயகி ரோகிணி தன் அம்மாவை இழந்து அப்பாவின் வெறுப்புக்கு ஆளாகிறாள். தாயின் மறு உருவமாக திகழும் சித்தியின் அன்பை புரியாது உதாசீனப்படுத்துகிறாள். ரோகிணி விடுதியில் தங்கி கல்லூரி படிப்பை முடித்த கையோடு பெற்றவரின் விருப்பதையும்மீறி வேலைக்கு செல்கிறாள்.

இவளை திருமணம் செய்ய வரும் வரன்களின் வீட்டிற்கு பெண்ணின் நடத்தை சரியில்லை என்று மொட்டை கடிதம் செல்கிறது. ரோகிணியின் சித்தியின் தம்பி அவளது அலுவலகத்திற்கு சென்று அவளை மணக்க விரும்புவதாக கூறுகிறான். ஆனால் அவள் மறுத்து விடுகிறாள்.

திருச்சியிலிருந்து ஒரு வரன் வருகிறது. அந்த மாப்பிள்ளை வீட்டிற்கும் மொட்டை கடிதம் போகிறது. கல்லூரியில் படித்த நண்பன்

தர்மங்கள் சிரிக்கின்றன

2008-07-28T18:07:00.005+05:30

இக்கதையின் ஆசிரியர் நம் நாட்டின் முன்னாள் பிரதமரின் அரசியல் பின்னணிகளை மனதில் வைத்து, ஆனால் துளியும் அரசியல் நெடி இல்லாமல் இந்த நாவலை எளிதியுள்ளார்.

கதாநயாகிக்கு இந்து என்று பெயர் சூட்டியதிலிருந்தே அவர் யார் என்று வாசகர்களுக்கு புரிந்திருக்கும். மேலும் அந்நாளைய பல அரசியல் தலைவர்களின் குணாதிசயங்களையும் இக்கதையின் கதாபாத்திரங்கள் பிரதிபலிக்கின்றன.

ஆனாலும் இது ஒரு காதல் கதை. இறுதியில் இந்து- ஜெயந்த் காதல் நிறைவேறியதாக முடித்திருக்கலாம். இந்து, பாசுவை கைபிடிப்பது மனதினை நெருடுகிறது.

பார்த்திபன் கனவு - கல்கி

2008-07-26T19:38:00.003+05:30

அமரர் கல்கியின் தலை சிறந்த படைப்புகளில் இதுவும் ஒன்று. இக்கதையினை வாசிக்கும் போது நாம் அக்காலதிற்கே செல்வது போல் பிரமிப்பு ஏற்படுகிறது. மாமல்லபுரத்தின் அழகினை அழகாக எடுத்துரைத்துள்ளார். பார்த்திபனின் கனவினையும் அவருக்கு கொடுத்த வாக்கினை காப்பற்றவும் நரசிம்ம மாமல்லன் எடுக்கும் அவதாரங்களை சிறப்பாக விவரித்துள்ளார். குந்தவை-விக்கிரமன் இருவருக்கிடையிலுள்ள காதல் நாவலை படிப்பதற்கு மேலும் உற்சாகமூட்டுகிறது.